കൊച്ചി- കണ്ണൂർ പാലത്തായി പീഡനക്കേസിലെ പ്രതി ബി.ജെ.പി നേതാവും അധ്യാപകനുമായ പത്മരാജന്റെ ജാമ്യം റദ്ദാക്കണമെന്ന ഹരജി ഹൈക്കോടതി തള്ളി. പീഡനത്തിനിരയായ പെൺകുട്ടിയുടെ മാതാവ് സമർപ്പിച്ച ഹരജിയാണ് തള്ളിയത്.
തലശ്ശേരി പോക്സോ കോടതി ഉത്തരവ് ഹൈക്കോടതി ശരിവെച്ചു. തീരുമാനം. പെണ്കുട്ടിയുടെ അധ്യാപകനായ പ്രതിക്ക് വേണ്ടി പോലീസ് ഒത്തുകളിച്ചുവെന്ന് നേരത്തെ ആരോപണം ഉയർന്നിരുന്നു.
ലോക്കൽ പോലീസ് ചുമത്തിയ പോക്സോ ക്രൈംബ്രാഞ്ച് കുറ്റപത്രത്തിൽ ഒഴിവാക്കിയതോടെയാണ് പ്രതിക്ക് ജാമ്യം ലഭിച്ചത്.
