കുഞ്ഞിനെ വിറ്റ് ബൈക്കും മൊബൈലും വാങ്ങി; അച്ഛന്‍ ഒളിവില്‍

ബം​ഗ​ളൂ​രു- ബൈ​ക്കും മൊ​ബൈ​ലും വാ​ങ്ങാ​ൻ മൂ​ന്നു​മാ​സം പ്രാ​യ​മാ​യ പെ​ണ്‍​കു​ഞ്ഞി​നെ ഒ​രു ല​ക്ഷം രൂ​പ​യ്ക്ക് പി​താ​വ് വി​റ്റു.

കർണാടക ചി​ക്ക​ബെ​ല്ലാ​പു​ര ചി​ന്താ​മ​ണി സ്വ​ദേ​ശി​യാ​യ ക​ർ​ഷ​ക​ത്തൊ​ഴി​ലാ​ളി​യാ​ണ് കു​ഞ്ഞി​നെ സ​മീ​പ​ഗ്രാ​മ​ത്തി​ലെ ദ​മ്പതിമാ​ർ​ക്ക് വി​റ്റ​ത്.

ദി​വ​സ​ങ്ങ​ളാ​യി കു​ട്ടി​യെ കാ​ണാ​താ​യ​തോ​ടെ അ​യ​ൽ​ക്കാ​രാ​ണ് വി​വ​രം പോ​ലീ​സി​ല്‍ അ​റി​യി​ച്ച​ത്. കു​ഞ്ഞി​ന്‍റെ അ​മ്മ​യെ പോ​ലീ​സ് ചോ​ദ്യം ചെ​യ്ത​തോ​ടെ​യാ​ണ് സം​ഭ​വം വെ​ളി​പ്പെ​ട്ട​ത്. അ​ച്ഛ​ൻ ഒ​ളി​വി​ലാണ്.

ഒ​രാ​ഴ്ച മു​മ്പാ​ണ് കു​ഞ്ഞി​നെ മാ​മ​ച്ച​ന​ഹ​ള്ളി​യി​ലെ കു​ട്ടി​ക​ളി​ല്ലാ​ത്ത ദ​മ്പതിമാ​ർ​ക്ക് വി​റ്റ​ത്. ഭാ​ര്യ​യെ ഭീ​ഷ​ണി​പ്പെ​ടു​ത്തി​യാ​ണ് കു​ഞ്ഞി​നെ വി​ൽ​ക്കാ​ൻ സ​മ്മ​തി​പ്പി​ച്ച​തെ​ന്ന് പോ​ലീ​സ് പ​റ​ഞ്ഞു. കുഞ്ഞിനെ വിറ്റു കിട്ടിയ തുകയില്‍ 50,000 രൂ​പ ബൈ​ക്ക് വാ​ങ്ങാ​നും 15,000 രൂ​പ ഫോ​ണ്‍ വാ​ങ്ങാ​നു​മാ​ണ്  ഉ​പ​യോ​ഗി​ച്ച​ത്.

പ്ര​സ​വി​ച്ച​യു​ട​ൻ ബം​ഗ​ളൂ​രു​വി​ലെ ആ​ശു​പ​ത്രി​യി​ൽ​വെ​ച്ചും ഇ​യാ​ൾ കു​ഞ്ഞി​നെ വി​ൽ​ക്കാ​ൻ ശ്ര​മി​ച്ച​താ​യി പറയുന്നു. അ​ന്ന് ആ​ശു​പ​ത്രി അ​ധി​കൃ​ത​രു​ടെ ഇ​ട​പെ​ട​ലാണ് തടസ്സമായത്. പി​ന്നീ​ട് മാ​മ​ച്ച​ന​ഹ​ള്ളി​യി​ലെ ദ​മ്പതികളുമായി ബന്ധപ്പെടുകയായിരുന്നു.

ദ​മ്പതിമാ​രി​ൽ​നി​ന്ന് കു​ഞ്ഞി​നെ ഏ​റ്റെ​ടു​ത്ത അ​ധി​കൃ​ത​ർ ചി​ക്ക​ബെ​ല്ലാ​പു​ര​യി​ലെ ബാ​ല​ഭ​വ​നി​ൽ പ്ര​വേ​ശി​പ്പി​ച്ചി​രി​ക്കു​ക​യാ​ണ്. കു​ഞ്ഞി​നെ വി​ട്ടു​ന​ൽ​ക​ണ​മെ​ന്ന അ​മ്മയുടെ ആവശ്യത്തില്‍  പി​ന്നീ​ട് തീ​രു​മാ​ന​മെ​ടു​ക്കു​മെ​ന്ന് ചൈ​ൽ​ഡ് ഡെ​വ​ല​പ്മെ​ന്‍റ് പ്രോ​ജ​ക്ട് ഓ​ഫീ​സ​ർ അ​റി​യി​ച്ചു.