കൊണ്ടോട്ടി- കരിപ്പൂർ വിമാനതാവളത്തിൽ അപകടത്തിൽപെട്ട വിമാനത്തിന്റെ ബ്ലാക് ബോക്‌സ് കണ്ടെടുത്തു. വേറെ ഏതെങ്കിലും വിമാനതാവളത്തിൽ ലാന്റ് ചെയ്യാനുള്ള ഇന്ധനം വിമാനത്തിലുണ്ടായിരുന്നുവെന്നാണ് ഡി.ജി.സി.എ വൃത്തങ്ങൾ സൂചിപ്പിക്കുന്നത്. ഐ.എക്‌സ്-1344 വിമാനമാണ് കരിപ്പൂരിൽ അപകടത്തിൽപ്പെട്ടത്. ഇന്നലെ വൈകിട്ട് 7.41നാണ് വിമാനം അപകടത്തിൽപെട്ടത്. ഇന്ന് രാവിലെയാണ് വിമാനത്തിന്റെ ബ്ലാക് ബോക്‌സ് കണ്ടെടുത്തത്. കേന്ദ്രമന്ത്രി ഹർദിപ് സിംഗ് പുരി കരിപ്പൂരിലെത്തി. മരിച്ചവരുടെ കുടുംബങ്ങൾക്കും പത്തു ലക്ഷവും പരിക്കേറ്റവരുടെയും കുടുംബങ്ങൾക്ക് രണ്ടു ലക്ഷവും ആനുകൂല്യം പ്രഖ്യാപിച്ചു.
