മുംബൈ-മഹാരാഷ്ട്രയില് കോവിഡ് ബാധിച്ച് മലയാളി യുവതി മരിച്ചു. മുംബൈ വസായ് ഈസ്റ്റിലെ താമസക്കാരിയായ ആതിര സുബ്രമണ്യന് (26 ) ആണ് മരിച്ചത്. തൃശൂര് മുണ്ടത്തികൊട് സ്വദേശിനി ആണ്.കോവിഡ് രോഗബാധ രൂക്ഷമായി ബാധിച്ച പ്രദേശങ്ങളിലൊന്നായ മുംബൈയില് ഇന്ന് 1059 പുതിയ കോവിഡ് കേസുകളും 45 മരണവുമാണ് റിപ്പോര്ട്ട് ചെയ്യപ്പെട്ടത്. 6,395 പേരാണ് ഇതുവരെ രോഗബാധിതരായി മരിച്ചത്. പ്രദേശത്ത് മാത്രം 20,749 പേരാണ് ചികിത്സയിലുള്ളത്.
