ന്യൂദൽഹി- ഫ്രാൻസിൽനിന്നുള്ള അഞ്ച് റഫാൽ യുദ്ധവിമാനങ്ങൾ ഇന്ത്യൻ ആകാശത്ത്. യുദ്ധക്കപ്പലായ ഐ.എൻ.എസ് കൊൽക്കത്തയുമായി വിമാനങ്ങൾ ബന്ധപ്പെട്ടു. ഹരിയാനയിലെ അംബാല വിമാനതാവളത്തിൽ റഫാൽ യുദ്ധവിമാനങ്ങൾ ഉടൻ ലാന്റ് ചെയ്യും. രണ്ട് സുഖേയ് -30 എം.കെ.ഐ അകമ്പടിയോടെയാണ് റഫാൽ വിമാനങ്ങൾ ഇന്ത്യൻ വ്യോമ മേഖലയിൽ എത്തിയത്. റഫാൽ വിമാനങ്ങളെ അനുഗമിച്ച ഫ്രഞ്ച് വ്യോമസേനയുടെ എ330 ഫീനിക്സ് എം.ആർ.ടി.ടി ടാങ്കർ വിമാനങ്ങളിൽ കോവിഡ് പ്രതിരോധത്തിന് വേണ്ടി 70 വെന്റിലേറ്ററുകൾ, ഒരു ലക്ഷം ടെസ്റ്റ് കിറ്റുകൾ എന്നിവയും പത്ത് ആരോഗ്യപ്രവർത്തകരുമുണ്ട്.