മക്ക- മക്കയിൽനിന്ന് അൽലെയ്ത്തിലേക്ക് പോകുന്ന അൽശുഐബ റോഡിലുണ്ടായ വാഹനാപകടത്തിൽ മരിച്ചവരിൽ മലയാളിയും. തൃശൂർ മാമ്പ്ര എറയാംകുടി ബിനോജ് കുമാറാ(50)ണ് മരിച്ചത്. ഇദ്ദേഹമടക്കം മൂന്ന് പേരാണ് അപകടത്തിൽ മരിച്ചത്. മക്കയിലെ ഫൈവ് സ്റ്റാർ പെട്രോൾ സ്റ്റേഷന് മുമ്പിലാണ് അപകടമുണ്ടായത്. അപകടമുണ്ടായ ഉടൻ തന്നെ മൂന്ന് യൂനിറ്റ് രക്ഷാദൗത്യസംഘത്തെ സംഭവ സ്ഥലത്തേക്ക് നിയോഗിച്ചിരുന്നു. പരിക്കേറ്റ രണ്ട് പേരെ മക്കയിലെ അൽനൂർ സ്പെഷ്യാലിറ്റി ആശുപത്രിയിലേക്ക് മാറ്റി. നടപടിക്രമങ്ങൾക്ക് കെ.എം.സി.സി നേതാവ് മുജീബ് പൂക്കോട്ടൂർ നേതൃത്വം നൽകുന്നുണ്ട്.
