ദമാം- കോഴിക്കോട് കൊയിലാണ്ടി തൊട്ടോളി പുതിയപുരയിൽ ഹസ്സൻകുട്ടി (70) ജുബൈലിൽ കോവിഡ് ബാധിച്ചു മരിച്ചു. ഒൻപത് മാസം മുമ്പ് മകളായ ജുബൈൽ ഇന്ത്യൻ സ്കൂൾ അധ്യാപിക ആയിഷയുടെ അടുത്തേക്ക് ഭാര്യയുമൊത്തു സന്ദർശക വിസയിൽ എത്തിയതായിരുന്നു. ഒരാഴ്ച മുൻപ് കോവിഡ് ബാധയെ തുടർന്ന് ജുബൈലിലെ ഒരു സ്വകാര്യ ഹോട്ടലിൽ ക്വാറന്റൈനിൽ പ്രവേശിപ്പിച്ചു. ഇന്ന് രാവിലെ ആരോഗ്യ നില വഷളായതിനെ തുടർന്ന് ജുബൈൽ െ്രെകസിസ് മാനേജ്മന്റ്ന്റെ സഹായത്തോടെ റെഡ് ക്രസന്റ് ആംബുലൻസ് എത്തിയെങ്കിലും മരണം സംഭവിക്കുകയായിരുന്നു.
ഭാര്യ : സൈനബി, മക്കൾ: സഹീർ (ദുബായ്), നവാസ് ( ബഹ്റൈൻ )ആയിഷ ( ജുബൈൽ ഇന്ത്യൻ സ്കൂൾ അധ്യാപിക), മരുമക്കൾ : പി എൻ എം നിഹാൻ ( ജുബൈൽ ), വാണിശ്ശേരി പർവീൻ, ഒറ്റിയിൽ കദീജ. ജുബൈൽ ജനറൽ ആശുപത്രി മോർച്ചറിയിൽ സൂക്ഷിച്ചിരുന്ന മൃതദേഹം സംസ്ക്കരിക്കുന്നതിനുള്ള നടപടി ക്രമങ്ങൾ സാമൂഹ്യ പ്രവർത്തകൻ സലിം ആലപ്പുഴയുടെ നേതൃത്വത്തിൽ പുരോഗമിക്കുന്നു.
