ഭുവനേശ്വര്-27 കാരനായ മകന് കോവിഡ് ബാധിച്ച് മരിച്ചതില് മനംനൊന്ത് മാതാപിതാക്കള് ആത്മഹത്യ ചെയ്തു. ഒഡീഷയിലെ ഗഞ്ചാം ജില്ലയിലാണ് സംഭവം. നാരായണ്പൂര് സസന് ഗ്രാമവാസികളായ രാജ്കിഷോര് സതാപതി, ഭാര്യ സുലോചന സതാപതി എന്നിവരാണ് ജീവനൊടുക്കിയത്. പങ്കലവാഡി ഗ്രാമത്തിലെ കോവിഡ് കെയര് സെന്ററിലെ പ്രവര്ത്തകനായിരുന്ന മകന് സിമാഞ്ചല് സതാപതിയാണ് മരിച്ചത്. കഴിഞ്ഞ മെയ് മാസം മുതല് കോവിഡ് പ്രവര്ത്തകനായിരുന്ന സിമാഞ്ചല് ജൂലൈ ഒന്നിനാണ് പനി ബാധിച്ച് ആശുപത്രിയിലെത്തുന്നത്. ജൂലൈ രണ്ടിന് കോവിഡ് സ്ഥിരീകരിച്ചു. പിറ്റേന്ന് രോഗം മൂര്ച്ഛിക്കുകയും മരണം സംഭവിക്കുകയുമായിരുന്നു. മകന്റെ മരണം ഉള്ക്കൊള്ളാനാകാതിരുന്ന രാജ്കിഷോര് സതാപതി വീടിന് സമീപത്തെ മരത്തില് തൂങ്ങി മരിക്കുകയായിരുന്നു. അമ്മ സുലോചനയെ വീടിനകത്തും തൂങ്ങിമരിച്ച നിലയില് കണ്ടെത്തി.
