ന്യൂദല്ഹി- രാജ്യത്തെ സഹകരണ ബാങ്കുകളെ റിസര്വ് ബാങ്കിന്റെ നിയന്ത്രണത്തിന് കീഴില് കൊണ്ടുവരാനുള്ള ഓര്ഡിനന്സിന് കേന്ദ്രമന്ത്രിസഭ അംഗീകാരം നല്കി. അര്ബന് സഹകരണ ബാങ്കുകളും മള്ട്ടി സ്റ്റേറ്റ് സഹകരണ ബാങ്കുകളും ആര്.ബി.ഐ നിയമങ്ങള്ക്ക് വിധേയമാക്കുന്ന ഓര്ഡിനന്സിനാണ് കേന്ദ്രമന്ത്രിസഭ അംഗീകാരം നല്കിയത്. ഓര്ഡിനന്സ് രാഷ്ട്രപതി ഒപ്പുവെക്കുന്നതോടെ പ്രാബല്യത്തില് വരും.
പ്രധാനമായും അര്ബന് സഹകരണ ബാങ്കുകളെയാണ് ഓര്ഡിനന്സ് ബാധിക്കുക. ഇതുവഴി 1482 അര്ബന് സഹകരണ ബാങ്കുകള്, 58 മള്ട്ടി സ്റ്റേറ്റ് സഹകരണ ബാങ്കുകള് എന്നിവ റിസര്വ് ബാങ്കിന്റെ കീഴിലാകും.
നേരത്തെ ഇതിന് സമാനമായ ബാങ്കിംഗ് റെഗുലേഷന് ബില് കേന്ദ്രസര്ക്കാര് പാര്ലമെന്റില് അവതരിപ്പിച്ചിരുന്നുവെങ്കിലും സഭാ സമ്മേളനം കോവിഡ് വ്യാപനംമൂലം വെട്ടിച്ചുരുക്കിയതിനാല് അത് പാസാക്കാന് സാധിച്ചിരുന്നില്ല. തുടര്ന്നാണ് ഇപ്പോള് ഓര്ഡിനന്സ് കൊണ്ടുവരുന്നത്.
സഹകരണ ബാങ്കുകളില് 8.6 കോടി ആളുകള്ക്ക് 4.84 ലക്ഷം കോടിയുടെ നിക്ഷേപമാണ് ഉള്ളത്. നിയന്ത്രണാധികാരം പൂര്ണമായും റിസര്വ് ബാങ്കിലേക്ക് പോകും.