ന്യൂദല്‍ഹി- കോവിഡ് കേസുകള്‍ മൂന്ന് ലക്ഷം കവിഞ്ഞിരിക്കെ, പ്രധാനമന്ത്രി നരേന്ദ്ര മോഡി മുഖ്യമന്ത്രിമാരുമായി ചര്‍ച്ച നടത്തും. 16, 17 തീയതികളില്‍ വിഡിയോ കോണ്‍ഫറന്‍സ് വഴിയാണ് ചര്‍ച്ച.
കേരളം ഉള്‍പ്പെടെ 21 സംസ്ഥാന/കേന്ദ്രഭരണ പ്രദേശങ്ങളിലെ മുഖ്യമന്ത്രിമാര്‍ക്കാണ് 16 നു നടക്കുന്ന ചര്‍ച്ചയില്‍ പങ്കെടുക്കാന്‍ അവസരം. 17ന് 15 സംസ്ഥാന/കേന്ദ്രഭരണ പ്രദേശങ്ങളിലെ മുഖ്യമന്ത്രിമാര്‍ പങ്കെടുക്കും. ലോക്ഡൗണ്‍ ഇളവുകള്‍ക്ക് പിന്നാലെ കോവിഡ് കേസുകള്‍ വര്‍ധിക്കുന്ന സാഹചര്യം ചര്‍ച്ചയാകുമെന്നാണ് കരുതുന്നത്.
സംസ്ഥാന മുഖ്യമന്ത്രിമാരുമായി പ്രധാനമന്ത്രി നടത്തുന്ന ആറാമത്തെ കൂടിക്കാഴ്ചയാണിത്.
