പാലക്കാട്- വി.കെ. ശ്രീകണ്ഠൻ എംപിയും ഷാഫി പറമ്പിൽ എംഎൽഎയും വീട്ടുനിരീക്ഷണത്തില്‍. കഴിഞ്ഞ ദിവസം കോവിഡ് സ്ഥിരീകരിച്ച ആരോഗ്യ പ്രവർത്തകനുമായി ഇവർ സന്പർക്കത്തിലേർപ്പെട്ടതിനലാണിത്. ജില്ലാ മെഡിക്കൽ ബോർഡാണ് ഇവരോട് നിരീക്ഷണത്തിൽ പോകാന്‍ നിർദേശിച്ചത്.
പാലക്കാട് ജില്ലാ ആശുപത്രി സൂപ്രണ്ട്, ഡിഎംഒ എന്നിവരും ഹോം ക്വാറന്‍റൈനിലാണ്. വാളയാർ അതിർത്തിയിൽ കോവിഡ് രോഗിയുമായി സന്പർക്കത്തിലേർപ്പെട്ട് നീരീക്ഷണ കാലാവധി പൂർത്തിയാക്കിയ ജനപ്രതിനിധികള്‍ക്കാണ് വീണ്ടും നിരീക്ഷണത്തിൽ പോകേണ്ടിവരുന്നത്.
നിലവിൽ 164 പേരാണ് ജില്ലയിൽ കോവിഡ് ബാധിച്ച് ചികിത്സയിലുള്ളത്. 15 ആരോഗ്യപ്രവർത്തകരും ഉൾപ്പെടെ ടെ 22 പേർക്കാണ് കോവിഡ് സ്ഥിരീകരിച്ചത്.
