ഹൈദരാബാദ്- മലയാളിയുടെ മരണാനന്തര ചടങ്ങില് പങ്കെടുത്ത അഞ്ച് മലയാളികള്ക്ക് തെലങ്കാനയില് കോവിഡ് സ്ഥിരീകരിച്ചു. മരിച്ചയാളുടെ ഭാര്യയ്ക്കും കോവിഡ് സ്ഥിരീകരിച്ചതിനെ തുടര്ന്നാണ് മറ്റുള്ളവര്ക്കും പരിശോധന നടത്തിയത്. കായംകുളം സ്വദേശിയായ വിജയകുമാര് (64) മെയ് 17 ന് ദേഹാസ്വാസ്ഥ്യത്തെ തുടര്ന്ന് മരിച്ചിരുന്നു. എന്നാല് ഇദ്ദേഹം കോവിഡ് ബാധിതനായിരുന്നില്ല. വിജയകുമാറിന്റെ മരണാനന്തര ചടങ്ങുകളില് നിരവധി പേര് പങ്കെടുത്തിരുന്നു. പിന്നാലെ ഇദ്ദേഹത്തിന്റെ ഭാര്യയ്ക്ക് കോവിഡ് സ്ഥിരീകരിച്ചു. തുടര്ന്ന് ചടങ്ങുകളില് പങ്കെടുത്ത മറ്റുള്ളവരേയും പരിശോധിച്ചപ്പോഴാണ് അഞ്ച് മലയാളികള്ക്ക് കൂടി രോഗം സ്ഥിരീകരിച്ചത്. ഇവര് മരിച്ചയാളുടെ ബന്ധുക്കളും കൂടിയാണെന്നാണ് വിവരം. രോഗം സ്ഥിരീകരിച്ചവരെയെല്ലാം ആശുപത്രിയില് പ്രവേശിപ്പിച്ചിരിക്കുകയാണ്.
