റിയാദ് - കൊറോണ വ്യാപനം തടയുന്നതിന് നടപ്പാക്കിയ മുന്കരുതല്, പ്രതിരോധ നടപടികളുമായി ബന്ധപ്പെട്ട് അഭ്യൂഹങ്ങള് പ്രചചിപ്പിച്ച സൗദി യുവാവിനെ അറസ്റ്റ് ചെയ്തതായി റിയാദ് പോലീസ് വക്താവ് കേണല് ശാകിര് അല്തുവൈജിരി പറഞ്ഞു.
സാമൂഹികമാധ്യമങ്ങളില് പോസ്റ്റ് ചെയ്ത ലൈവ് വീഡിയോയിലാണ് നാല്പതുകാരന് അഭ്യൂഹം പ്രചരിപ്പിച്ചത്. മസ്ജിദുകളില് സംഘടിത നമസ്കാരം പുനരാരംഭിക്കുന്നതിന്റെ സമയം നിശ്ചയിച്ചെന്നും കര്ഫ്യൂ സമയത്തില് മാറ്റം വരുത്താന് തീരുമാനിച്ചെന്നുമാണ് യുവാവ് വാദിച്ചത്.
വീഡിയോ ശ്രദ്ധയില് പെട്ട് നടത്തിയ അന്വേഷണത്തിലൂടെയാണ് പ്രതിയെ തിരിച്ചറിഞ്ഞത്. യുവാവിനെതിരെ നിയമാനുസൃത നടപടികള് സ്വീകരിച്ചുവരികയാണെന്നും റിയാദ് പോലീസ് വക്താവ് പറഞ്ഞു.
അതേസമയം, നിലവിലെ കര്ഫ്യൂ സമയത്തില് മാറ്റം വരുത്തുന്നതുമായി ബന്ധപ്പെട്ട് സാമൂഹികമാധ്യമങ്ങളില് പ്രചരിക്കുന്ന റിപ്പോര്ട്ടുകള് ശരിയല്ലെന്ന് ബന്ധപ്പെട്ടവര് പറഞ്ഞു. കിംവദന്തികള്ക്കു പിന്നാലെ പോകരുതെന്നും ഔദ്യോഗിക ഉറവിടങ്ങളില് നിന്നുമാത്രം വിവരങ്ങള് തേടണമെന്നും ബന്ധപ്പെട്ട വകുപ്പുകള് ആവര്ത്തിച്ച് ആവശ്യപ്പെട്ടിരുന്നു.
