ലണ്ടന്- കൊറോണ വൈറസ് പ്രതിരോധ വാക്സിന് സെപ്തംബറോടെ ലഭ്യമാക്കുമെന്ന് പൂനെ ആസ്ഥാനമായി പ്രവര്ത്തിക്കുന്ന സെറാം ഇന്സ്റ്റിട്ട്യൂറ്റ് ഓഫ് ഇന്ത്യ. ഈ രംഗത്ത് പരീക്ഷണം നടത്തുന്ന മരുന്ന് കമ്പനികളില് ഒന്നാണ് സെറാം. സെപ്തംബര് അവസാനത്തോടെ വാക്സിന് ലഭ്യമാക്കുമെന്നും ഏകദേശം 1000 രൂപയാകും വിലയെന്നും സെറാം ഇന്സ്റ്റിട്ട്യൂറ്റ് ഓഫ് ഇന്ത്യയുടെ മേധാവി അദര് പൂനവാല പറഞ്ഞു. മെയ് അവസാനത്തോടെ വാക്സിന് വികസിപ്പിച്ച് പരീക്ഷണങ്ങള് പൂര്ത്തിയാക്കി സെപ്തംബറോടെ നിര്മ്മാണം ആരംഭിക്കാന് സാധിക്കുമെന്നാണ് കരുതുന്നതെന്ന് അദ്ദേഹം പറഞ്ഞു.യുകെ, യുഎസ് തുടങ്ങിയ രാജ്യങ്ങളിലെ ശാസ്ത്രജ്ഞരുമായി ചേര്ന്നാണ് കമ്പനി മരുന്ന് നിര്മ്മിക്കുന്നത്. ഒരാഴ്ച മുന്പാണ് ഓക്സ്ഫോര്ഡ് സര്വകലാശാലയിലെ ശാസ്ത്രജ്ഞരുമായി സഹകരിക്കാന് ഇവര്ക്കായത്. ഓക്സ്ഫോര്ഡിന്റെ വാക്സിന് മനുഷ്യരില് പരീക്ഷിച്ചു കഴിഞ്ഞതായും വാക്സിന്റെ വില കൃത്യമായി പറയാന് കഴിയില്ലെങ്കിലും ആയിരം രൂപയാകുമെന്നും അദ്ദേഹം പറഞ്ഞു
