തിരുവനന്തപുരം- ലോക്ഡൗണ് തീരുന്നതിനു മുമ്പേ ചാര്ട്ടേഡ് വിമാനത്തില് ഗള്ഫില്നിന്നുള്ള പ്രവാസി മലയാളികളെ കൊണ്ടുവരുന്നതിന് കേന്ദ്രസര്ക്കാരില് നിന്ന് അനുമതി നേടിയെടുക്കണം എന്നാവശ്യപ്പെട്ട് മുന് മുഖ്യമന്ത്രി ഉമ്മന് ചാണ്ടി മുഖ്യമന്ത്രിക്ക് കത്തു നല്കി.
മറ്റു സംസ്ഥാനങ്ങളെ അപേക്ഷിച്ച് പ്രവാസികളെ സ്വീകരിക്കാന് കേരളം തയാറെടുത്തു കഴിഞ്ഞു. നിലവില് വിമാന സര്വീസുകള് ഇല്ലാത്തതിനാല് ചാര്ട്ടേഡ് വിമാനം ലഭിക്കാന് എളുപ്പമാണ്. പൊതുവായ വിമാന സര്വീസുകള് ആരംഭിക്കുന്നതിനു മുമ്പ് തന്നെ കേരളത്തിലേക്ക് നമ്മുടെ ആളുകളെ എത്തിക്കുവാന് സാധിക്കണമെന്ന് ഉമ്മന് ചാണ്ടി അഭ്യര്ഥിച്ചു.
