ദമാം- തിരുവനന്തപുരം വിഴിഞ്ഞം സ്വദേശി അൽ കോബാർ റാക്കയിൽ കുത്തേറ്റു മരിച്ചു. ഒരു സ്വകാര്യ കോൺട്രാക്ടിങ് കമ്പനിയിലെ ജോലിക്കാരനായ വിഴിഞ്ഞം സ്വദേശി സന്തോഷ് പീറ്ററാ(32)ണ് കൊല്ലപ്പെട്ടത്. ഇന്നലെ വൈകിട്ട് ഏഴിന് ജോലി കഴിഞ്ഞതിനു ശേഷം താമസ സ്ഥലത്തു എത്തിയ ഇദ്ദേഹം സുഹൃത്തുക്കളുമായി ചേർന്നുള്ള മദ്യപാനത്തിടെ വാക്കേറ്റമുണ്ടാകുകയായിരുന്നു. വാക്കേറ്റത്തിൽ കൊല്ലം സ്വദേശി സക്കീർ കത്തിയെടുത്തു കുത്തുകയായിരുന്നു. സന്തോഷ് തൽക്ഷണം മരിച്ചു. കൂടെയുണ്ടായിരുന്ന മലയാളിയായ ജിജോക്കും പരിക്കേറ്റു. ഇദ്ദേഹത്തെ അടുത്തുള്ള ആശുപത്രിയിൽ എത്തിച്ചതോടെ അപകടനില തരണം ചെയ്തു. അൽ കോബാർ പോലീസ് കേസ് എടുത്തു പ്രതിയെ പിടികൂടിയിട്ടില്ല.
വാർത്തകൾ തൽസമയം വാട്‌സ്ആപ്പിൽ ലഭിക്കാൻ ഇവിടെ ക്ലിക്ക് ചെയ്ത് ജോയിൻ ചെയ്യുക
