കൊച്ചി- പ്രധാനമന്ത്രി ആഹ്വാനം ചെയ്ത ജനത കര്ഫ്യു ദിനത്തില് അശാസ്ത്രീയമായ പ്രചരണങ്ങള് നടത്തിയെന്ന എന്ന പരാതിയിന്മേല് നടന് മോഹന്ലാലിനെതിരെ കേരള സംസ്ഥാന മനുഷ്യാവകാശ കമീഷന് കേസ് രജിസ്റ്റര് ചെയ്തു. ദിനു എന്ന യുവാവാണ് പരാതി നല്കിയത്. ജനതാ കര്ഫ്യൂ ദിനത്തില് വൈകുന്നേരം അഞ്ച് മണിക്ക് പാത്രങ്ങള് തമ്മില് കൊട്ടിയോ കൈകള് കൂട്ടിയിടിച്ചോ ആരോഗ്യ പ്രവര്ത്തകര്ക്ക് ഐക്യദാര്ഡ്യം പ്രകടിപ്പിക്കാന് പ്രധാന മന്ത്രി നരേന്ദ്ര മോഡി പറഞ്ഞതിനെക്കുറിച്ച് മോഹന്ലാല് പറഞ്ഞത് വലിയ ചര്ച്ചാ വിഷയമായിരുന്നു. ശേഷം ഉയര്ന്നു വന്ന വിമര്ശനങ്ങള്ക്ക് മറുപടിയുമായി താരം രംഗത്തെത്തുകയും ചെയ്തു.