കോഴിക്കോട്- ഇന്‍ഡിഗോ എയര്‍ലൈന്‍സ് നാളെ കോഴിക്കോട് നിന്ന് ജിദ്ദയിലേക്ക് പ്രത്യേക സര്‍വീസ് നടത്തുമെന്ന് എംകെ രാഘവന്‍ എംപി. രാവിലെ 11.15നാണ് പുറപ്പെടുക. കൊറോണ വൈറസ് വ്യാപകമാകുന്ന സാഹചര്യത്തില്‍ മുന്‍കരുതല്‍ നടപടികളുടെ ഭാഗമായി സൗദി ജിഎസിഎ സൗദിഅറേബ്യയിലേക്ക് തിരിച്ചുവരുന്ന പ്രവാസികള്‍ക്കായി 72 മണിക്കൂറാണ് അനുവദിച്ചിരുന്നത്.
ഈ സമയപരിധി അവസാനിക്കാനിരിക്കെ, പ്രവാസികള്‍ക്ക് ഇന്‍ഡിഗോ എയര്‍ലൈന്‍സിന്റെ സര്‍വീസ് പരമാവധി പ്രയോജനപ്പെടുത്താവുന്നതാണ്. മലബാര്‍ കേന്ദ്രീകരിച്ചുള്ള യാത്രക്കാരുടെ ബുദ്ധിമുട്ട് പരിഗണിച്ചാണ് ഇന്‍ഡിഗോ നാളെ പ്രത്യേക സര്‍വീസ് നടത്തുന്നതെന്നും എംപി അറിയിച്ചു.
