കാഠ്മണ്ഡു-നേപ്പാളിലെ മരിച്ച എട്ടുമലയാളികളുടെ മൃതദേഹങ്ങള് ഇന്ന് പോസ്റ്റ്മോര്ട്ടം ചെയ്യും. കാഠ്മണ്ഡുവിലെ ആശുപത്രിയിലാണ് മൃതദേഹങ്ങള് സൂക്ഷിച്ചിരിക്കുന്നത്. പോസ്റ്റ്മോര്ട്ട നടപടികള് പൂര്ത്തികരിച്ചാല് മൃതദേഹങ്ങള് നാളെ നാട്ടിലെത്തിക്കും. ഇതിനായുള്ള ശ്രമങ്ങള് പുരോഗമിക്കുകയാണെന്ന് വിദേശകാര്യ മന്ത്രാലയം അറിയിച്ചു.
ചൊവ്വാഴ്ച രാവിലെയാണ് നേപ്പാള് ദമനിലെ എവറസ്റ്റ് പനോരമ റിസോര്ട്ടില് മലയാളികളെ ശ്വാസം മുട്ടി മരിച്ച നിലയില് കണ്ടെത്തിയത്. പ്രവീണ് കുമാര് നായര്(39), ശരണ്യ(34), ടി ബി രഞ്ജിത്ത് കുമാര്(39), ഇന്ദു രഞ്ജിത്ത്(35), ശ്രീഭദ്ര(ഒന്പത്), അഭിനന്ദ് സൂര്യ (ഒന്പത്), അഭി നായര്(ഏഴ്), വൈഷ്ണവ് രഞ്ജിത്ത് (രണ്ട്) എന്നിവരാണ് മരിച്ചത്.
ഇവര് താമസിച്ച മുറിയിലെ ഹീറ്ററില്നിന്നു പുറത്തു വന്ന കാര്ബണ് മോണോക്സൈഡ് ശ്വസിച്ചതാണ് മരണകാരണം.
തിങ്കളാഴ്ച രാത്രി 9.30 ഓടെയാണ് 15 അംഗ സംഘം റിസോര്ട്ടില് എത്തിയത്.