ബീഹാറില്‍ നാഷനല്‍ പോപ്പുലേഷന്‍ രജിസ്ട്രറിലേക്കുള്ള വിവരശേഖരണം മെയ് 15 മുതല്‍ മെയ് 28 വരെ നടത്തുമെന്ന് ഉപമുഖ്യമന്ത്രി സുശീല്‍ കുമാര്‍ മോഡി.
രാജ്യവ്യാപകമായി എന്‍ആര്‍സി നടപ്പാക്കാന്‍ ഉദ്ദേശിക്കുന്നില്ലെന്ന് പ്രധാനമന്ത്രി മോദി അറിയിച്ചതിനാല്‍ എന്‍പിആര്‍ നടപ്പാക്കുന്നതില്‍ ആശങ്കയില്ലെന്നാണ് സര്‍ക്കാരില്‍ ബിജെപിയുടെ സഖ്യകക്ഷിയായ ജെഡിയുവിന്റെയും നിലപാട്.
കഴിഞ്ഞ മാസം മധ്യത്തില്‍, പൗരത്വ ഭേദഗതി നിയമത്തിനും (സിഎഎ) എതിരെ രാജ്യവ്യാപകമായി നിര്‍ദ്ദിഷ്ട എന്‍ആര്‍സിക്കും എതിരെ പ്രതിഷേധം ഉയര്‍ന്നപ്പോള്‍ ജെഡി-യു വൈസ് പ്രസിഡന്റ് പ്രശാന്ത് കിഷോര്‍ പാര്‍ട്ടി മേധാവിയും ബീഹാര്‍ മുഖ്യമന്ത്രിയുമായ നിതീഷ് കുമാര്‍ രാജ്യവ്യാപകമായി എന്‍ആര്‍സിക്ക് എതിരാണെന്ന് പറഞ്ഞിരുന്നു. എന്‍ആര്‍സിയെ വേണ്ടെന്ന് പറയാനുള്ള തീരുമാനം ദേശീയ വക്താവ് കെ സി ത്യാഗി സ്ഥിരീകരിച്ചതോടെ എന്‍ആര്‍സിക്കെതിരെ പരസ്യമായി രംഗത്തെത്തിയ ആദ്യത്തെ ബിജെപി സഖ്യകക്ഷിയായി ജെഡി-യു മാറി.എന്‍ആര്‍സി രാജ്യത്തുടനീളം നടപ്പാക്കാന്‍ നിര്‍ദ്ദേശമില്ലെന്ന് പ്രധാനമന്ത്രി നരേന്ദ്ര മോദി വ്യക്തമാക്കിയതിനാല്‍, മുന്നോട്ട് പോകുന്നതില്‍ ഒരു പ്രശ്‌നവുമില്ലെന്ന് ബീഹാറിലെ ഭരണ സഖ്യത്തിലെ ബിജെപിയുടെ പങ്കാളിയായ ജെഡിയു പറഞ്ഞിരുന്നു. എന്നാല്‍ എന്‍പിആര്‍ നടപ്പാക്കുന്നതില്‍ ജെഡിയു എതിര്‍ക്കില്ലെന്നാണ് അറിയുന്നത്.
