കോഴിക്കോട്- പൗരത്വ ഭേദഗതി നിയമത്തിനെതിരെ ബി.ജെ.പിക്കുള്ളിൽത്തന്നെ എതിർപ്പുള്ളതുകൊണ്ടാണ് ഒ. രാജഗോപാൽ നിയമസഭയിൽ പ്രമേയത്തെ എതിർത്ത് വോട്ട് ചെയ്യാതിരുന്നതെന്ന് കോൺഗ്രസ് നേതാവ് കെ. മുരളീധരൻ എം.പി. ഒ. രാജഗോപാൽ പ്രമേയത്തെ നിയമസഭയിൽ അനുകൂലിച്ചില്ല. എതിർത്തതുമില്ല. മൗനം സമ്മതം എന്ന നിലയിലാണ് രാജഗോപാൽ ഇരുന്നത്. മോഡി-അമിത് ഷാ കൂട്ടുകെട്ടിനെതിരെ ബി.ജെ.പിയിൽ എതിർപ്പുണ്ടെന്നും മുരളി വ്യ്ക്തമാക്കി.
പൗരത്വ ഭേദഗതി നിയമത്തിനെതിരെ സി.പി.എം നടത്താൻ നിശ്ചയിച്ചിരിക്കുന്ന മനുഷ്യച്ചങ്ങലയെ കോൺഗ്രസ് പിന്തുണയ്ക്കുമെന്നും മുരളി വ്യക്തമാക്കി. അതേസമയം, ജമാഅത്ത് ഇസ്ലാമിയും വെൽഫെയർ പാർട്ടിയും ഭീകര സംഘടനകളായത് എപ്പോഴാണെന്ന് സി.പി.എം വ്യക്തമാക്കണമെന്നും മുരളീധരൻ ആവശ്യപ്പെട്ടു.
