ലഖ്നൗ- പൗരത്വ ഭേദഗതി നിയമത്തിനെതിരായ പ്രതിഷേധത്തില് അക്രമത്തില് ഏര്പ്പെടുന്നവരുടെ സ്വത്തുക്കള് കണ്ടുകെട്ടി ലേലം ചെയ്യുമെന്ന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് മുന്നറിയിപ്പ് നല്കി. അക്രമം നടത്തുന്നവര് വലിയ വില നല്കേണ്ടി വരുമെന്ന് അദ്ദേഹം പറഞ്ഞു.
ലഖ്നൗവിലടക്കം സംസ്ഥാനത്ത് പലയിടത്തും പ്രതിഷേധങ്ങളും അക്രമങ്ങളുമുണ്ട്. ഇതിനെയെല്ലാം ശക്തമായി തന്നെ സര്ക്കാര് നേരിടും. പൊതുമുതല് നശിപ്പിക്കുന്നവരുടെ വസ്തുവകകളെല്ലാം പിടിച്ചെടുത്ത് സര്ക്കാര് ലേലത്തില് വെക്കും. അക്രമങ്ങള് നടത്തിയവരുടെ ദൃശ്യങ്ങള് സിസിടിവിയില് പകര്ത്തിയിട്ടുണ്ട്. അവര്ക്കെതിരെ സര്ക്കാര് കര്ശന നടപടി സ്വീകരിക്കും-യോഗി ആദിത്യനാഥ് പറഞ്ഞു.
ജനാധിപത്യ രാജ്യത്ത് അക്രമങ്ങള്ക്ക് സ്ഥാനമില്ല. പൗരത്വ ഭേദഗതി നിയമത്തെ കുറിച്ച് പറഞ്ഞ് കോണ്ഗ്രസും സമാജ്വാദി പാര്ട്ടിയും ഇടത് പാര്ട്ടികളും രാജ്യം കത്തിക്കുകയാണെന്നും മുഖ്യമന്ത്രി ആരോപിച്ചു.
