Sorry, you need to enable JavaScript to visit this website.

Error message

Notice: Undefined variable: app_root in include_once() (line 861 of /var/www/html/sites/default/settings.php).

പത്ത് വിദേശയാത്രകളിലായി 16 രാജ്യങ്ങള്‍;  മോഡിയേയും കടത്തിവെട്ടി വി. മുരളീധരന്‍

ന്യൂദല്‍ഹി- കേന്ദ്രമന്ത്രിമാരുടെ വിദേശ യാത്രകളില്‍ ഒന്നാമത് വിദേശകാര്യസഹമന്ത്രി വി. മുരളീധരന്‍. ഓഗസ്റ്റ് മുതല്‍ നവംബര്‍ വരെയുള്ള കണക്കുകള്‍ പ്രകാരം വി. മുരളീധരന്‍ പത്ത് വിദേശയാത്രകളിലായി 16 രാജ്യങ്ങള്‍ സന്ദര്‍ശിച്ചു. ലോക്‌സഭാംഗങ്ങളുടെ ചോദ്യത്തിന് മറുപടിയായി വി. മുരളീധരനാണ് ഇതുസംബന്ധിച്ച വിവരങ്ങള്‍ അറിയിച്ചത്.
പ്രധാനമന്ത്രി നരേന്ദ്ര മോഡി ഏഴ് വിദേശയാത്രകള്‍ നടത്തിയെന്നും ഒമ്പത് വിദേശ രാജ്യങ്ങള്‍ സന്ദര്‍ശിച്ചുവെന്നും കേന്ദ്ര വിദേശകാര്യ മന്ത്രാലയം വ്യക്തമാക്കി.
ഭൂട്ടാന്‍, ഫ്രാന്‍സ്, യുഎഇ, ബഹ്‌റിന്‍, റഷ്യ, യുഎസ്, സൗദി അറേബ്യ, തായ്‌ലന്‍ഡ്, ബ്രസീല്‍ എന്നീ രാജ്യങ്ങളാണ് പ്രധാനമന്ത്രി സന്ദര്‍ശിച്ചത്. ഹൂസ്റ്റണില്‍ നടന്ന ഹൗഡി മോഡി പരിപാടിക്ക് കേന്ദ്രസര്‍ക്കാര്‍ പണം ചെലവഴിച്ചിട്ടില്ലെന്നും അദ്ദേഹം വെളിപ്പെടുത്തി.
രാഷ്ട്രപതി രാംനാഥ് കോവിന്ദ് ഏഴ് വിദേശ രാജ്യങ്ങളും ഉപരാഷ്ട്രപതി വെങ്കയ്യ നായിഡു ആറ് വിദേശ രാജ്യങ്ങളുമാണ് സന്ദര്‍ശിച്ചത്. വിദേശകാര്യമന്ത്രി എസ്. ജയശങ്കറും 16 രാജ്യങ്ങള്‍ സന്ദര്‍ശിച്ചിട്ടുണ്ട്.

Latest News