കൊച്ചി- യുവനടിയെ ആക്രമിച്ച കേസില് നടന് ദിലീപിന്റെ ജാമ്യാപേക്ഷ ഹൈക്കോടതി തള്ളി. ജാമ്യം ലഭിച്ചാല് സാക്ഷികളെ സ്വാധീനിക്കുമെന്ന പ്രോസിക്യൂഷന് വാദം കണക്കിലെടുത്താണ് ജാമ്യം നിഷേധിച്ചത്. സംഭവത്തിന്റെ സൂത്രധാരന് ദിലീപ് ആണെന്നാണ് പ്രോസിക്യൂഷന് മുഖ്യമായുംവാദിച്ചത്.കഴിഞ്ഞ 10ന് അറസ്റ്റിലായ ദിലീപിന്റെ ജാമ്യാപേക്ഷ നേരത്തെ അങ്കമാലി മജിസ്ട്രേട്ട് കോടതി തള്ളിയിരുന്നു.
ഇന്ത്യന് ക്രിമിനല് നിയമചരിത്രത്തിലെ ആദ്യ ലൈംഗികാതിക്രമ ക്വട്ടേഷനാണ് ഇതെന്നും കേസില് പ്രധാന തെളിവായ ദൃശ്യം പകര്ത്തിയ മൊബൈല് ഫോണും മെമ്മറി കാര്ഡും കണ്ടെടുത്തിട്ടില്ലെന്നും പ്രോസിക്യൂഷന് ബോധിപ്പിച്ചു.
