ന്യൂയോര്‍ക്ക്- ബ്രൂക്ക്‌ലിനില്‍ അക്രമി നടത്തിയ വെടിവെപ്പില്‍ നാലു പേര്‍ കൊല്ലപ്പെട്ടതായി ന്യൂയോര്‍ക്ക് സിറ്റി പോലീസ് അറിയിച്ചു. മൂന്ന് പേര്‍ക്ക് പരിക്കേറ്റു. അമേരിക്കന്‍ സമയം ശനിയാഴ്ച രാവിലെ ഏഴു മണിയോടെയാണ് സംഭവം. വിവരമറിഞ്ഞ സ്ഥലത്തെത്തിയപ്പോല്‍ നാലു പേര്‍ കൊല്ലപ്പെട്ടു കിടക്കുന്നതാണ് കണ്ടതെന്ന് പോലീസ് പറഞ്ഞു. പരിക്കേറ്റവരുടെ നില ഗുരുതരമല്ല. വെടിവെപ്പ് നടന്ന സ്ഥലത്തെ വിലായ ഒരു സ്വകാര്യ ക്ലബിന്റേതാണെന്ന് ഓണ്‍ലൈന്‍ മാപ്പില്‍ കാണിക്കുന്നത്. എന്നാല്‍ ഈ കെട്ടിടത്തില്‍ എന്താണ് പ്രവര്‍ത്തിച്ചിരുന്നതെന്ന് സ്ഥിരീകരിച്ചിട്ടില്ലെന്ന് പോലീസ് പറഞ്ഞു. വെടിവെപ്പ് നടത്തിയ ആളെ കുറിച്ച് വിവരം ലഭിച്ചിട്ടില്ല. അതേസമയം രണ്ടു പേരെ ചോദ്യം ചെയ്യാനായി കസ്റ്റഡിയിലെടുത്തിട്ടുണ്ട്. വെടിവെപ്പിനു കാരണമെന്തന്നു വ്യക്തമല്ല. അന്വേഷണം പ്രാഥമിക ഘട്ടത്തിലാണെന്നും കൂടുതല്‍ വിവരങ്ങള്‍ ലഭ്യമല്ലെന്നും പോലീസ് അറിയിച്ചു.
