മാഞ്ചസ്റ്റർ- ഹോട്ടൽ മുറിയിൽ മറന്നു വെച്ച സെക്സ് ടോയ് ഉടനെ കൈപ്പറ്റണമെന്നറിയിച്ച് കാബിൻ ക്രൂ വിന് ഹോട്ടൽ അധികൃതരുടെ പരസ്യമായ കേബിൾ സന്ദേശം. സെക്സ് ടോയിയുടെ നീളം ഉൾപ്പെടെ രേഖപ്പെടുത്തിയാണ് വിശദമായ കേബിൾ സന്ദേശം ഹോട്ടൽ അധികൃതർ വിമാന ജീവനക്കാര്ക്ക് അയച്ചത്. 25 സെന്റിമീറ്റർ നീളമുള്ള ഈ സെക്സ് ടോയ് ഹോട്ടൽ മുറിയിലുണ്ടെന്നും ഓപ്പറേഷൻ വിഭാഗവുമായി ബന്ധപ്പെട്ട് അത് തിരിച്ചുവാങ്ങണമെന്നുമാണ് സന്ദേശത്തിലുള്ളത്.
ഈ സന്ദേശം ഫെയ്സ്ബുക്കിലിട്ടതോടെ നിരവധിപേർ അഭിപ്രായപ്രകടനവുമായി രംഗത്തെത്തി. രണ്ടായിരത്തോളം ലൈക്കും നിരവധി കമന്റുകളും പോസ്റ്റിന് ലഭിച്ചു. നീളം അളക്കാൻ വരെ 'ജാഗ്രത ' കാട്ടിയ ഹോട്ടൽ അധികൃതരെ എത്ര പ്രശംസിച്ചാലും മതിയാകില്ലെന്നും ഒരാൾ കമന്റട്ടു. ആധുനിക കാലത്തെ പ്രണയകഥ എന്നായിരുന്നു ഒരാളുടെ കമന്റ്.
