റിയാദ്- ദേശീയ ദിനാഘോഷത്തോടനുബന്ധിച്ച് നടത്തിയ വെടിക്കെട്ടിനിടെയുണ്ടായ അപകടത്തിൽ ബാലികക്ക് പരിക്കേറ്റതായി ജനറൽ എന്റർടൈൻമെന്റ് അതോറിറ്റി അറിയിച്ചു. റിയാദിൽ കിംഗ് ഫഹദ് സ്റ്റേഡിയത്തിനു സമീപം വെടിക്കെട്ട് പ്രയോഗം നടത്താൻ തയാറാക്കിയ പ്ലാറ്റ്‌ഫോമിൽ വെടിക്കെട്ട് നടത്തുന്നതിനിടെയുണ്ടായ സാങ്കേതിക തകരാറു മൂലം അഗ്നിബാധയുണ്ടാവുകയായിരുന്നു.
ബാലികക്ക് നിസ്സാര പരിക്കേറ്റു. പെൺകുട്ടിക്ക് റെഡ് ക്രസന്റ് പ്രവർത്തകർ പ്രാഥമിക ശുശ്രൂഷകൾ നൽകി. മറ്റു നാശനഷ്ടങ്ങളൊന്നും അപകടത്തിലുണ്ടായിട്ടില്ല.
സുരക്ഷാ നിർദേശങ്ങൾ പാലിക്കണമെന്നും വെടിക്കെട്ട് നടത്തുന്ന പ്ലാറ്റ്‌ഫോമുകളിൽ നിന്ന് അകന്നുനിൽക്കണമെന്നും ജനറൽ എന്റർടൈൻമെന്റ് അതോറിറ്റി ആവശ്യപ്പെട്ടു. റിയാദ് കിംഗ് ഫഹദ് സ്റ്റേഡിയത്തിനു സമീപം വെടിക്കെട്ട് പ്രയോഗം നടത്താൻ തയാറാക്കിയ പ്ലാറ്റ്‌ഫോമിൽ വെടിക്കെട്ടിനിടെ അഗ്നിബാധയുണ്ടായതിന്റെ ദൃശ്യങ്ങൾ അടങ്ങിയ വീഡിയോ ക്ലിപ്പിംഗ് സാമൂഹിക മാധ്യമങ്ങളിൽ പ്രചരിക്കുന്നുണ്ട്.
