ന്യൂദല്ഹി- മഹാരാഷ്ട്ര, ഹരിയാന സംസ്ഥാനങ്ങളിലെ നിയമസഭാ തെരഞ്ഞെടുപ്പ് തീയതികള് തെരഞ്ഞെടുപ്പ് കമ്മീഷന് പ്രഖ്യാപിച്ചു. രണ്ടുസംസ്ഥാനങ്ങളിലും ഒക്ടോബര് 21ന് തിരഞ്ഞെടുപ്പ് നടക്കും. വോട്ടെണ്ണല് 24ന്. ഒറ്റഘട്ടമായാണ് ഇരു സംസ്ഥാനങ്ങളിലും തെരഞ്ഞെടുപ്പ് നടക്കുക.
ദല്ഹിയില് നടത്തിയ വാര്ത്താസമ്മേളനത്തില് മുഖ്യതിരഞ്ഞെടുപ്പ് കമ്മീഷണര് സുനില് അറോറയാണ് തിയതികള് പ്രഖ്യാപിച്ചത്.
നവംബര് രണ്ടിനാണ് ഹരിയാന നിയമഭയുടെ കാലാവധി അവസാനിക്കുന്നത്. മഹാരാഷ്ട്രയുടേത് നവംബര് ഒമ്പതിനും. ഹരിയാനയില് 1.82 കോടി വോട്ടര്മാരാണുള്ളത്. മഹാരാഷ്ട്രയില് 8.9 കോടി വോട്ടര്മാരുണ്ട്.
