Sorry, you need to enable JavaScript to visit this website.

Error message

Notice: Undefined variable: app_root in include_once() (line 861 of /var/www/html/sites/default/settings.php).

ഹജ് വളണ്ടിയർമാരായി സ്ത്രീകൾക്കും പ്രാതിനിധ്യം നൽകാൻ ശ്രമം നടത്തുമെന്ന് മന്ത്രി കെ.ടി. ജലീൽ

കൊണ്ടോട്ടി - സംസ്ഥാന ഹജ് കമ്മിറ്റി  വളണ്ടിയർമാരെ തെരഞ്ഞെടുക്കുമ്പോൾ സ്ത്രീകൾക്കും പ്രാതിനിധ്യം നൽകാൻ ശ്രമം നടത്തുമെന്ന് മന്ത്രി കെ.ടി.ജലിൽ. ഹജ് തീർത്ഥാടകരിൽ കൂടുതൽ സ്ത്രീകളാവുന്നതിനാലാണിത്. ഹജ് വളണ്ടിയർമാരെ തെരഞ്ഞെടുക്കുമ്പോൾ രണ്ട് തവണ വളണ്ടിയർമാരായി പോയവർക്ക് അവസരം നൽകില്ലെന്നും അദ്ദേഹം പറഞ്ഞു. കരിപ്പൂർ ഹജ് ഹൗസിൽ ഹജ് വളണ്ടിയർമാരായി തെരഞ്ഞെടുത്തവർക്കുള്ള പരിശീലന പരിപാടി ഉദ്ഘാടനം ചെയ്യുകയായിരുന്നു മന്ത്രി.
 56 പേരെയാണ് ഇത്തവണ വളണ്ടിയർമാരായി തെരഞ്ഞെടുത്തത്. 200 ഹാജിമാർക്ക് ഒരാൾ എന്ന നിലയിലാണിത്. 20 മുതൽ ആരംഭിക്കുന്ന ഹജ് മൂന്നാംഘട്ട പരിശീലന ക്ലാസിൽ വളണ്ടിയർമാർ പങ്കെടുക്കും. ഓഗസ്റ്റ് 13 മുതൽ
26 വരെയായി 14 ദിവസങ്ങളിലായാണ് നെടുമ്പാശ്ശേരിയിൽ നിന്ന് ഹജ് സർവീസുകൾ ക്രമീകരിച്ചിരിക്കുന്നത്. ഹജ് ക്യാംപ് 12 ന് ആരംഭിക്കും. നെടുമ്പാശ്ശേരിയിൽ ക്രമീകരണങ്ങൾ പൂർത്തിയാക്കുന്നുണ്ട്. ആദ്യ വിമാനം 13 ന് രാവിലെ 6.45 ന് പുറപ്പെടുക. ആദ്യ ഒമ്പത് ദിവസങ്ങളിൽ മൂന്ന് വിമാനങ്ങളും 20, 22, 25, 26 തീയതികളിൽ രണ്ട് വിമാനങ്ങളും 23 ന് നാലു വിമാനങ്ങളും സർവീസിനുണ്ടാകും. 
അവസാന ദിവസത്തിലെ ഒരു വിമാനം 450 പേർക്ക് സഞ്ചരിക്കാവുന്ന വിമാനങ്ങളും മറ്റുള്ളവയല്ലാം 300 പേരെ ഉൾക്കൊളളുന്ന വിമാനവുമാണ്. സെപ്തംബർ 21 മുതൽ ഒക്ടോബർ 4 വരെയാണ് തീർത്ഥാടകരുടെ മടക്ക യാത്ര. നെടുമ്പാശ്ശേരിയിൽ നിന്ന് ജിദ്ദയിലേക്കും, തിരിച്ച് മദീനയിൽ നിന്ന് നെടുമ്പാശ്ശേരിയിലേക്കുമാണ് മലയാളി തീർത്ഥാടകരുടെ വിമാനയാത്ര ക്രമീകരിച്ചിരിക്കുന്നത്.  കേരളത്തിന് പുറമെ ലക്ഷദ്വീപ്, മാഹി എന്നിവടങ്ങളിൽ നിന്നുളള തീർത്ഥാടകരും സംസ്ഥാന ഹജ് ക്യാമ്പ് വഴി നെടുമ്പാശ്ശേരിയിൽ നിന്നാണ് ഹജിന് പോവുന്നത്. ലക്ഷദ്വീപ് തീർത്ഥാടകർ ഓഗസ്റ്റ് 17 ന് കേരളത്തിലെത്തും. ഇവരുടെ യാത്ര 20 നാണ് ക്രമീകരിച്ചിരിക്കുന്നത്. നെടുമ്പാശ്ശേരിയിൽ നിന്ന് സൗദി എയർലൈൻസാണ് ഹജ് സർവ്വീസ് നടത്തുന്നത്.
    ഹജ് കമ്മിറ്റി ചെയർമാൻ തൊടിയൂർ മുഹമ്മദ് കുഞ്ഞി മൗലവി അധ്യക്ഷനായി. ഹജ് കോ ഓർഡിനേറ്റർ എൻ.പി.ഷാജഹാൻ ക്ലാസെടുത്തു. എ.കെ.അബ്ദുറഹിമാൻ, ശരീഫ് മണിയാട്ടുകുടി, ടി.കെ.അബ്ദുറഹിമാൻ, പി.കെ.അസൈൻ സംസാരിച്ചു.

Latest News