തിരുവനന്തപുരം - സൗദി അറേബ്യയിലെ ആരോഗ്യ മന്ത്രാലയത്തിനു കീഴിലുള്ള ആശുപത്രികളിലേക്ക് നോർക റൂട്ട്‌സ് മുഖേന നഴ്‌സുമാരെ തെരഞ്ഞെടുക്കും. ബി.എസ്‌സി, എം.എസ്‌സി, പിഎച്ച്.ഡി യോഗ്യതയുള്ള നഴ്‌സുമാർക്കാണ് നിയമനം. കാർഡിയാക് ക്രിട്ടിക്കൽ കെയർ (മുതിർന്നവർ, കുട്ടികൾ), എമർജൻസി ഡിപ്പാർട്ട്‌മെന്റ്, മെഡിക്കൽ ആന്റ് സർജിക്കൽ കെയർ ഡിപ്പാർട്ട്‌മെന്റ്, സർജറി ഡിപ്പാർട്ട്‌മെന്റ് (പുരുഷൻ/വനിത) എന്നീ വിഭാഗങ്ങളിലാണ് നഴ്‌സുമാരുടെ ഒഴിവ്.
സൗദി ആരോഗ്യ മന്ത്രാലയത്തിന്റെ ഷെഡ്യൂൾ പ്രകാരം 2019 ഒക്‌ടോബർ 15 മുതൽ 20 വരെ ന്യൂദൽഹിയിൽ അഭിമുഖം നടക്കും. താൽപര്യമുള്ളവർ saudimoh.norka@ gmail.com ലേക്ക് വിശദമായ ബയോ ഡാറ്റ, വെളുത്ത പശ്ചാ തലത്തിലുള്ള ഫുൾസൈസ് ഫോട്ടോ, ആധാർ, പാസ്‌പോർട്ട് പകർപ്പുകൾ എന്നിവ ഒക്‌ടോബർ 10 ന് മുമ്പായി സമർപ്പിക്കണമെന്ന് നോർക റൂട്ട്‌സ് ചീഫ് എക്‌സിക്യൂട്ടീവ് ഓഫീസർ അറിയിച്ചു. കൂടുതൽ വിവരങ്ങൾ www.norkaroots.org ലും നോർക റൂട്ട്‌സ് ടോൾ ഫ്രീ നമ്പറായ 1800 425 3939 (ഇന്ത്യയിൽ നിന്നും) 0091 8802012345 (വിദേശത്ത് നിന്ന് മിസ്ഡ് കോൾ) 0471-2770577,2770544 നമ്പറുകളിലും ലഭിക്കും.
