നെടുമ്പാശ്ശേരി- കൊച്ചി അന്താരാഷ്ട്ര വിമാനതാവളം വഴി അനധികൃതമായി സ്വർണം കടത്തുവാൻ ശ്രമിച്ച യാത്രക്കാരനെ കസ്റ്റംറ്റംസ് എയർ ഇന്റലിജൻസ് വിഭാഗം പിടികൂടി. ഇയാളുടെ പെരുമാറ്റത്തിൽ സംശയം തോന്നിയ കസ്റ്റംസ് എയർ ഇന്റലിജൻസ് നടത്തിയ വിശദമായ പരിശോധനയിലാണ് സോപ്പിനകത്ത് സ്വർണക്കട്ടികൾ ഒളിപ്പിച്ച നിലയിൽ കണ്ടെത്തിയത്.
ജിദ്ദയിൽ നിന്നും കൊച്ചി അന്താരാഷ്ട്ര വിമാനതാവളത്തിൽ എത്തിയ മലപ്പുറം മേൽപുറം സ്വദേശിയിൽ നിന്നാണ് സ്വർണം പിടിച്ചെടുത്തത്. സോപ്പ് മുറിച്ച ശേഷം അതിനകത്ത് രണ്ട് വീതം സ്വർണക്കട്ടികൾ ഒളിപ്പിച്ചു. വീണ്ടും അതുപോലെ തന്നെ പാക്ക് ചെയ്താണ് സ്വർണം കടത്താൻ ശ്രമിച്ചത്. 20 ലക്ഷത്തോളം രൂപ വിലവരുന്ന സ്വർണമാണ് 3 സോപ്പുകളിൽ ഒളിപ്പിച്ച് കടത്താൻ ശ്രമിച്ചത്.
