ഗള്‍ഫ് ജീവിതത്തിന്റെ തുടക്ക കാലത്ത് ഇന്നത്തെ പോലെ ആശയവിനിമയത്തിന് മാര്‍ഗങ്ങളില്ല. ഒരു കത്ത് ഗള്‍ഫിലെത്താന്‍ ആഴ്ചകളെടുത്തിരുന്നു. പ്രവാസത്തിന്റെ കണ്ണീരും നോവും സന്തോഷവും സങ്കടവുമൊക്കെ നിറഞ്ഞുനില്‍ക്കുന്നതായിരുന്നു ആ കത്തുകള്‍. അത്തരമൊരു കത്തിന്റെ പുനരാവിഷ്‌കാരം സമൂഹ മാധ്യമങ്ങള്‍ ഏറ്റുപിടിച്ച് വന്‍ ഹിറ്റാക്കി. നാദാപുരത്തുനിന്ന് ഒരു ഭാര്യ ഭര്‍ത്താവിനയച്ച കത്തില്‍ 1976 കാലഘട്ടത്തിലെ സാമൂഹിക ചുറ്റുപാടുകളും കേള്‍ക്കാം.
