കോഴിക്കോട്- പ്രധാനമന്ത്രി നരേന്ദ്ര മോഡിയേയും ബി.ജെ.പിയേയും പുകഴ്ത്തിക്കൊണ്ടുള്ള
കോണ്ഗ്രസ് നേതാവ് എ.പി. അബ്ദുള്ളക്കുട്ടിയുടെ ഫേസ് ബുക്ക് പോസ്റ്റ് സമൂഹ മാധ്യമങ്ങളില് ചര്ച്ചയായി. പറഞ്ഞത് സത്യസന്ധമായ കാര്യങ്ങള് മാത്രമാണെന്നും മോഡിയുടെ വിജയത്തെക്കുറിച്ച് വ്യാപകമായ ചര്ച്ചകള് നടക്കുന്ന സാഹചര്യത്തില് ഉള്ളുതുറന്ന അഭിപ്രായമായി കണ്ടാല്മതിയെന്നും അബ്ദുള്ളക്കുട്ടി സ്വകാര്യ ചാനലിനോട് പറഞ്ഞു.
മഞ്ചേശ്വരം തെരഞ്ഞെടുപ്പില് ബി.ജെ.പി സ്ഥാനാര്ത്ഥിയാകുമോ, പാര്ട്ടി വിടുമോയെന്നുമുള്ള ചോദ്യങ്ങള്ക്ക് അദ്ദേഹം വ്യക്തമായ മറുപടി നല്കിയില്ലെന്നും ചാനല് പറയുന്നു.
അബ്ദുള്ളക്കുട്ടിയുടെ ഫേസ് ബുക്ക് പോസ്റ്റ് വായിക്കാം
എന്ത് കൊണ്ട്
ഈ വിജയം ഉണ്ടായി?
എന്റെ എആ കൂട്ട് കാരുടെ സമക്ഷത്തിങ്കലേക്ക് ചില തോന്നലുകള് തുറന്നു പറയട്ടെ
പ്രതിപക്ഷക്കാര് മാത്രമല്ല ,ആഖജക്കകത്തുള്ളവരെ പോലും ആശ്ചര്യപ്പെടുത്തുന്ന വിജയമാണ് ഉണ്ടായത്.എല്ലാ രാഷ്ടീയ പ്രവര്ത്തകരും വികാരങ്ങള് മാറ്റി വെച്ച് നിഷ്പക്ഷമായി ശാന്തമായി വിശകലനം ചെയ്യേണ്ടതാണ് ഈ സംഗതിയാണിത്
നരേന്ദ്ര മോദിയുടെ ഭരണതന്ത്രജ്ഞതടെ, വികസന അജണ്ടയുടെ അംഗീകാരം തന്നെയാണിത്
വളരെ കൗതുകരായ ഒരു കാര്യം ഇദ്ദേഹത്തിനെ ജനപ്രിയനാക്കിയതിന്റെ രഹസ്യം
ഒരു ഗാന്ധിയന് മൂല്യം ഗാന്ധിയുടെ നാട്ടുകാരന് മോദി തന്റെ ഭരണത്തില് പ്രയോഗിച്ചു എന്നുള്ളതാണ്.
മഹാത്മാ ഗാന്ധി പൊതുപ്രവര്ത്തകരോട് പറഞ്ഞു....
നിങ്ങള് ഒരു നയം ആവിഷ്ക്കരിക്കുമ്പോള്
ജീവിതത്തില് കണ്ടുമുട്ടിയ ഏറ്റവും പാവപ്പെട്ടവന്റെ മുഖം ഓര്മ്മിക്കുക...
ശ്രീ മോദി അത് കൃത്യമായി നിര്വ്വഹിച്ചു.
1) സ്വച്ച് ഭാരത് സ്കീമില് 9.16 കോടി കുടുംബങ്ങള്ക്ക് സ്വന്തം ടോയ് ലെറ്റ് നല്കി
2) പ്രധാനമന്ത്രി ഉജ്വലയോജന സ്കീമില് 6 കോടി കുടുംബങ്ങള്ക്കാണ് സൗജന്യമായി ഘജഏ ഗ്യാസ് കണക്ഷന് നല്കിത്
കേരളം വിട്ടാല് നാമല്ലാം കണ്ട സ്വതന്ത്ര ഇന്ത്യയിലെ ഏറ്റവും ദയനീയമായ കാഴ്ചയായിരുന്നു വെളി പ്രദേശത്ത് മലമൂത്ര വിസര്ജനത്തിനിരിക്കുന്ന പാവങ്ങളുടെ ചിത്രം.മോദി ഒരുപരിധിവരെ അതിനോട് നീതി കാണിച്ചു
ചാണകം ഉണക്കി, ഉണക്ക ചില്ല കമ്പുകള് ശേഖരിച്ച് അടുപ്പു ഊതി തളര്ന്നു പോയ 6 കോടി അമ്മമാര്ക്ക് മോദി നല്കിയ ആശ്വാസം എത്ര ഹൃദ്യമാണ്. ജനകോടികളില് അദ്ദേഹത്തെ പ്രിയങ്കരനാക്കിയത് ഇതൊക്കെ ഒരു കാരണമല്ലെ ?
സ്മാര്ട്ട് സിറ്റികളും ബുള്ളന് ട്രെയിന് ഉള്പ്പെടെ നിരവധിസ്വപ്ന പദ്ധതികള് രാഷ്ടീയ അജണ്ടയില് കൊണ്ടുവന്നത് കാണാതേ പോകരുത്...
നമ്മുടെ രാഷ്ട്രീയം മെല്ലെ മാറുകയാണ്. വിജയങ്ങള് ഇനി വികസനങ്ങള്ക്കൊപ്പമാണ്....
നരേന്ദ്രമോദിയെ വിമര്ശിക്കമ്പോള് ഈ യാഥാര്ത്ഥ്യങ്ങള് വിസ്മരിക്കുത്....
പല വികസിത സമൂഹത്തിലും തെരഞ്ഞെടുപ്പ് കഴിഞ്ഞാല് രാജ്യ വികസനത്തിലും ജനങ്ങളുടെ പുരോഗതിക്കും കൈകോര്ത്ത് നില്ക്കുന്ന ഭരണ പ്രതിപക്ഷ ശൈലിയും നാം ചര്ച്ചക്ക് എടുക്കാന് സമയമായി.
