ന്യൂദല്ഹി- ലോക്സഭാ തെരഞ്ഞെടുപ്പില് തൃശൂര് മണ്ഡലത്തില് നടന് സുരേഷ് ഗോപി എന്.ഡി.എ സ്ഥാനാര്ഥി. ബി.ജെ.പി കേന്ദ്ര തെരഞ്ഞെടുപ്പ് സമിതിയാണ് സുരേഷ് ഗോപിയുടെ പേര് പ്രഖ്യാപിച്ചത്. പാര്ട്ടി ദേശീയ അധ്യക്ഷന് അമിത് ഷാ നേരത്തെ സുരേഷ് ഗോപിയെ ദല്ഹിക്ക് വിളിപ്പിച്ച് ചര്ച്ച നടത്തിയിരുന്നു.
ബി.ഡി.ജെ.എസ് അധ്യക്ഷന് തുഷാര് വെള്ളാപ്പള്ളി വയനാട്ടില് എന്.ഡി.എ സ്ഥാനാര്ഥിയായതോടെയാമ് തൃശൂരില് സുരേഷ് ഗോപിയെ പരിഗണിച്ചത്. തുഷാര് മണ്ഡലം മാറിയതോടെ സീറ്റ് ബി.ജെ.പിയിലേക്കു തിരികെയെത്തുകയായിരുന്നു.
സംസ്ഥാന പ്രസിഡന്റ് പി.എസ്. ശ്രീധരന് പിള്ള, ജനറല് സെക്രട്ടറി എം.ടി. രമേശ്, ദേശീയ കൗണ്സില് അംഗം പി.കെ. കൃഷ്ണദാസ്, കോണ്ഗ്രസില്നിന്നു കൂറുമാറിയ ടോം വടക്കന് തുടങ്ങിയവര് ആദ്യഘട്ട ചര്ച്ചകളില് തൃശൂരില് പരിഗണിക്കപ്പെട്ടിരുന്നു.
