Sorry, you need to enable JavaScript to visit this website.
Monday , August   15, 2022
Monday , August   15, 2022

ചാനല്‍ മാറ്റുന്നത് സംബന്ധിച്ച തര്‍ക്കം:  ഭര്‍ത്താവ് ഭാര്യയെ കുത്തി പരിക്കേല്‍പ്പിച്ചു

ചെന്നൈ: ചാനല്‍ മാറ്റുന്നതിനെ തുടര്‍ന്ന് ഉണ്ടായ തര്‍ക്കത്തില്‍ ഭര്‍ത്താവ് ഭാര്യയെ കുത്തി പരിക്കേല്‍പ്പിച്ചു. 50കാരനായ വീരനാണ് ഭാര്യ ഉഷയെ തര്‍ക്കത്തിനിടെ കുത്തി പരിക്കേല്‍പ്പിച്ചത്. ട്രിപ്ലിക്കെയിനിലെ അയോതി നഗറിനെ വീട്ടില്‍ കഴിഞ്ഞ ദിവസമായിരുന്നു സംഭവം. പഴയകാല പാട്ടുകള്‍ കേള്‍ക്കുകയായിരുന്ന വീരനോട് വേറെ ചാനല്‍ വയ്ക്കാന്‍ ഭാര്യ ആവശ്യപ്പെട്ടു. എന്നാല്‍ ചാനല്‍ മാറ്റാന്‍ വീരന്‍ വിസമ്മതിക്കുകയും റിമോര്‍ട്ട് ഉഷയ്ക്ക് നല്‍കാതെ തന്റെ കൈവശം വയ്ക്കുകയും ചെയ്തു. വീരന്റെ കയ്യില്‍നിന്ന് റിമോര്‍ട്ട് പിടിച്ച് വാങ്ങാന്‍ ഉഷ ശ്രമിച്ചെങ്കിലും നടന്നില്ല. തുടര്‍ന്ന് ഇരുവരും തമ്മില്‍ തര്‍ക്കത്തിലാകുകയും വീരന്‍ ഉഷയെ കുത്തി പരിക്കേല്‍പ്പിക്കുകയുമായിരുന്നു.
ആക്രമണത്തില്‍ നെഞ്ചിലും വയറ്റിലും സാരമായി പരിക്കേറ്റ ഉഷയെ രായപേട്ട സര്‍ക്കാര്‍ ആശുപത്രിയില്‍ പ്രവേശിപ്പിച്ചിരിക്കുകയാണ്. നിലവിളികേട്ട് ഓടിയെത്തിയ അയല്‍ക്കാരാണ് ഉഷയെ ആശുപത്രിയില്‍ എത്തിച്ചത്. സംഭവത്തില്‍ വീരനെ അറസ്റ്റ് ചെയ്യുകയും കൊലക്കുറ്റത്തിന് കേസെടുക്കുകയും ചെയ്തു.

Latest News