കൊച്ചി- ലോക കാന്സര് ദിനത്തില് കാന്സര് രോഗികള്ക്കായി തലമുടി ദാനം ചെയ്തത് പബ്ലിസിറ്റിക്കാണെന്ന കുറ്റപ്പെടുത്തലുകള്ക്ക് മറുപടിയുമായി ഡബ്ബിങ് ആര്ടിസ്റ്റ് ഭാഗ്യലക്ഷ്മി. മുടികൊണ്ട് കാന്സര്രോഗിക്ക് പ്രത്യേകിച്ച് ഗുണമൊന്നുമില്ലെന്നും ഇത് പബ്ലിസിറ്റിക്ക് വേണ്ടി ചെയ്യുന്നതാണെന്നും ഒരു യുവതി ഫെയ്സ്ബുക്കില് പോസ്റ്റ് ചെയ്ത കുറിപ്പ്
പല മാധ്യമങ്ങളും ഭാഗ്യലക്ഷ്മിയുടെ ഫോട്ടോ സഹിതം പ്രസിദ്ധീകരിച്ചതോടെ ഭാഗ്യലക്ഷ്മിക്കെതിരേ വിമര്ശനങ്ങളും ശക്തമായി.
താന് കാന്സര് രോഗികളോട് ദ്രോഹമൊന്നും ചെയ്തിട്ടില്ലെന്നും മുടി വിറ്റ് കാശാക്കിയിട്ടില്ലെന്നും ഭാഗ്യലക്ഷ്മി പറയുന്നു.
ഭാഗ്യലക്ഷ്മിയുടെ ഫെയ്സ്ബുക്ക് പോസ്റ്റ്
ക്യാന്സര് രോഗികളെ വെറുതേ വിടാന് ഞാനവരെ എന്താ കെട്ടിയിട്ടിരിക്യാണോ? നിങ്ങള്ക്ക് മുടി വേണ്ടെങ്കില് വേണ്ട. മറ്റുളളവര്ക്ക് വേണോ വേണ്ടയോ എന്ന് അവരവര് തീരുമാനിക്കട്ടെ..എല്ലാവരുടേയും അഭിപ്രായ വക്താവ് നമ്മളാവണ്ട. ഞാന് അവരോട് ദ്രോഹമൊന്നും ചെയ്തില്ലല്ലോ.. ഞാന് മുടി വിറ്റ് കാശാക്കിയിട്ടുമില്ല.
മുടി ദാനം ചെയ്ത ലോകത്തെ ആദ്യത്തെ വ്യക്തിയും ഞാനല്ല. അപ്പോള് വിഷയമല്ല പലരുടെയും വിഷയം. വ്യക്തിയാണ് വിഷയം...അതുകൊണ്ടാണല്ലോ എന്റെ ഫോട്ടോ ചേര്ത്ത് വാര്ത്ത കൊടുത്തത്. നന്മയെ മനസിലാക്കാത്ത വൃത്തികെട്ട മനസ്സ്..
