കോഴിക്കോട്- മിഠായിത്തെരുവിലെ ക്ഷേത്രത്തിൽ നിന്ന് ആയുധങ്ങൾ പിടികൂടി. മിഠായിത്തെരുവിന് മധ്യത്തിലുള്ള ശ്രീഗണപതി മാരിയമ്മൻ ക്ഷേത്രത്തിൽ നിന്നാണ് ആയുധങ്ങൾ പിടിച്ചെടുത്തത്. വിശ്വഹിന്ദു പരിഷത്തിന്റെ കാര്യാലയമായും പ്രവർത്തിക്കുന്ന സ്ഥലമാണിത്. ഇവിടെനിന്ന് ഇരുമ്പുദണ്ഡും വടികളും കൊടുവാളും അടക്കമുള്ള ആയുധങ്ങളാണ് പിടികൂടിയത്.
വളപ്പിൽ ഒളിച്ചിരുന്നവരെ പിടികൂടാനെത്തിയപ്പോഴേക്ക് പലരും ചിതറിയോടി. നാല് വി.എച്ച്.പി പ്രവർത്തകരെ പോലീസ് കസ്റ്റഡിയിലെടുത്തു.
മിഠായിത്തെരുവിൽ പരക്കെ അക്രമണം ബി.ജെ.പി-ആർ.എസ്.എസ് പ്രവർത്തകർ അഴിച്ചുവിട്ടിരുന്നു. കടകൾ അടിച്ചു തകർക്കുകയും ചില്ലുകൾ കല്ലെറിഞ്ഞ് തകർക്കുകയും ചെയ്ത പ്രവർത്തകർ മിഠായിത്തെരുവിൽ അഴിഞ്ഞാടുകയായിരുന്നു. സംഘർഷം രൂക്ഷമായതോടെ പൊലീസിന് ഗ്രനേഡ് പ്രയോഗിക്കേണ്ടി വന്നു.
