ജിദ്ദ - ഡോക്ടർ ചമഞ്ഞ് ചികിത്സ നടത്തിയ വിദേശ വനിതയെ ആരോഗ്യ വകുപ്പും സുരക്ഷാ വകുപ്പുകളും സഹകരിച്ച് ജിദ്ദയിൽ നിന്ന് അറസ്റ്റ് ചെയ്തു. റെസിഡൻഷ്യൽ കോമ്പൗണ്ട് കേന്ദ്രീകരിച്ച് ലൈസൻസില്ലാത്ത ക്ലിനിക്കിൽ ജോലി ചെയ്ത വിദേശ വനിതയാണ് പിടിയിലായത്. തുടർ നടപടികൾക്കായി ഇവരെ പിന്നീട് പബ്ലിക് പ്രോസിക്യൂഷന് കൈമാറിയതായി ആരോഗ്യ മന്ത്രാലയം അറിയിച്ചു. ആരോഗ്യ മേഖലയിലെ നിയമ ലംഘനങ്ങളെ കുറിച്ച് 937 എന്ന നമ്പറിൽ ബന്ധപ്പെട്ട് അറിയിക്കണമെന്ന് ആരോഗ്യ മന്ത്രാലയം പൊതുജനങ്ങളോട് അഭ്യർഥിച്ചു.
