റിയാദ്- ശ്വാസ തടസത്തെ തുടർന്ന് റിയാദിലെ ശുമേസി ആശുപത്രിയിൽ ചികിത്സയിലായിരുന്ന വിദ്യാർഥിനി നിര്യാതയായി. ചെന്നിത്തല സ്വദേശികളും റിയാദ് അൽഹമ്മാദി ഹോസ്പിറ്റൽ ജീവനക്കാരുമായ ജോജി വർഗീസ് - ജോളി ജോജി ദമ്പതികളുടെ ഏക മകൾ ജെസ്ലിൻ ജോജി (16)യാണ് നിര്യാതയായത്. റിയാദ് ഇന്റർനാഷണൽ ഇന്ത്യൻ സ്കൂൾ പ്ലസ്വൺ വിദ്യാർഥിനിയാണ്.
ശ്വാസ തടസ്സത്തെ തുടർന്ന് 14 ദിവസം മുമ്പ് ശുമേസി കിംഗ് സൗദ് ആശുപത്രിയിൽ പ്രവേശിപ്പിച്ചതായിരുന്നു. മൃതദേഹം നാട്ടിലേക്ക് കൊണ്ടുപോകും.
