തിരുവനന്തപുരം- ശബരിമലയിലെത്തുന്ന അയ്യപ്പഭക്തര് പവിത്രമായി കണക്കാക്കുന്ന ഇരുമുടിക്കെട്ടിനെ അറസ്റ്റിലായ ബി.ജെ.പി സംസ്ഥാന ജനറല് സെക്രട്ടറി കെ. സുരേന്ദ്രന് രാഷ്ട്രീയ ഏറുപടക്കമാക്കിയെന്നും സുരേന്ദ്രന്റെ തനിനിറം പുറത്തായെന്നും മന്ത്രി തോമസ് ഐസക്. ഇരുമുടിക്കെട്ട് താഴെയിട്ട് അത് പോലീസിന്റ നിലത്തിട്ട് ചവിട്ടിയെന്ന് പച്ചക്കള്ളം പറഞ്ഞ സുരേന്ദ്രന് ഇളിഭ്യത തോന്നാന് സാധ്യതയില്ല. കാരണം സംഘികള്ക്ക് നുണ ശ്വാസമെടുപ്പും ഹൃദയമിടിപ്പും പോലെ ജീവിതത്തിന്റെ ഭാഗമാണെന്നും ഐസക് പ്രതികരിച്ചു.
മന്ത്രിയുടെ ഫേസ്ബുക്ക് പോസ്റ്റ്:
അയ്യപ്പഭക്തര് പരമപവിത്രമായി കാണുന്ന ഇരുമുടിക്കെട്ടിനെ രാഷ്ട്രീയ കലാപത്തിനുള്ള ഏറുപടക്കമായി ഉപയോഗിച്ച ബിജെപി നേതാവ് കെ സുരേന്ദ്രന്റെ തനിനിറം വിശ്വാസികള് തിരിച്ചറിഞ്ഞു കഴിഞ്ഞു. ഹീനമായ ഈ കൃത്യം സിസിടിവിയുടെ മുന്നില്വെച്ചു സുരേന്ദ്രനെക്കൊണ്ട് ചെയ്യിച്ചത് ആരായിരിക്കും എന്ന് അവര്ക്കു ബോധ്യമായിക്കാണും.
ദൃശ്യം വ്യക്തമായി പതിഞ്ഞതറിയാതെ, തന്റെ ഇരുമുടിക്കെട്ട് പോലീസ് നിലത്തിട്ട് ചവിട്ടിയെന്ന് പത്രക്കാരോട് കള്ളം പറഞ്ഞ സുരേന്ദ്രന് ഇളിഭ്യതയൊന്നും തോന്നാന് സാധ്യതയില്ല. കാരണം, സംഘികള്ക്ക് നുണ ശ്വാസമെടുപ്പും ഹൃദയമിടിപ്പും പോലെ ജീവിതത്തിന്റെ ഭാഗമാണ്. തൊണ്ടിസഹിതം പിടിക്കപ്പെട്ടാലും ജാള്യമൊന്നും തോന്നാല് സാധ്യതയില്ല. ഇരുമുടിക്കെട്ട് പോലീസ് നിലത്തിട്ട് ചവിട്ടിയെന്ന് സുരേന്ദ്രന് ആരോപിക്കുമ്പോള്, തറയില് ഇരുമുടിക്കെട്ടെടുത്ത് സുരേന്ദ്രനു നല്കുന്ന പത്തനംതിട്ട എസ്പിയാണ് സിസി ടിവി ദൃശ്യത്തിലുള്ളത്.
കൈയോടെ പിടിക്കപ്പെട്ട സുരേന്ദ്രനിപ്പോള് പ്രതിക്കൂട്ടിലാണ്. വിധിയെഴുതേണ്ടത് യഥാര്ത്ഥ വിശ്വാസികളും. എങ്ങനെയും കേരളത്തിലൊരു കലാപം സൃഷ്ടിക്കാനുള്ള ദുഷ്ടമനസ്, ഒരു സാക്ഷിമൊഴിയുടെയും സഹായമില്ലാതെ വ്യക്തമായിക്കഴിഞ്ഞു
ഇനി ശിക്ഷ യഥാര്ത്ഥ വിശ്വാസികള് വിധിക്കട്ടെ.
