ചെന്നൈ- കരള് മാറ്റിവെക്കല് ശസ്ത്രക്രിയയ്ക്കു വിധേയനായ കോണ്ഗ്രസ് നേതാവും വയനാട് എം.പിയുമായ എം.ഐ ഷാനവാസിന്റെ ആരോഗ്യ നില അണുബാധയെ തുടര്ന്ന് ഗുരുതരാവസ്ഥയില് തുടരുന്നു. ചെന്നൈയിലെ ആശുപത്രിയില് വെന്റിലേറ്ററിന്റെ സഹായത്തോടെയാണ് കഴിയുന്നത്. നവംബര് ഒന്നിനാണ് ഷാനവാസിനെ ആശുപത്രിയില് പ്രവേശിപ്പിച്ചത്. അടുത്ത ദിവസം ശസ്ത്രക്രിയ നടത്തി. പിന്നീട് ആരോഗ്യം മെച്ചപ്പെട്ടുവെങ്കിലും അണുബാധയെ തുടര്ന്ന് നില വഷളാകുകയായിരുന്നു. വൃക്കയിലും അണുബാധയുണ്ടായി. രക്തസമ്മര്ദ്ദ നിലയില് നേരിയ പുരോഗതി ഉണ്ടെങ്കിലും അപകട നില തരണം ചെയ്തിട്ടില്ലെന്ന് ഡോക്ടര്മാര് അറിയിച്ചു. ചെന്നൈ ക്രോംപേട്ട് ഡോ.റെല ഇന്സ്റ്റിറ്റ്യൂട്ട് ആന്റ് മെഡിക്കല് സെന്ററിലാണ് ഷാനവാസിനെ പ്രവേശിപ്പിച്ചിരിക്കുന്നത്.
