ജിദ്ദ- സൗദിയിൽ കനത്ത മഴ തുടരുന്ന സഹചര്യത്തിൽ ഇന്ന് കൂടുതൽ മുന്നറിയിപ്പുമായി കാലാവസ്ഥ നിരീക്ഷണ വിഭാഗം. കനത്ത ഇടിയും മിന്നലുമുണ്ടാകുമെന്ന മുന്നറിയിപ്പാണ് കാലാവസ്ഥാനിരീക്ഷണ വിഭാഗം നൽകിയത്. കാറ്റും മഴയും ഇടിയും മിന്നിലുമുണ്ടാകുമെന്നാണ് മുന്നറിയിപ്പ. മക്ക, തായിഫ്, മൈസാൻ, ബനീ സാദ്, ബഹറ, മദീനയുടെ ചില ഭാഗങ്ങൾ എന്നിവടങ്ങളിലുള്ളവർ ജാഗ്രതപാലിക്കണം. മലമുകളിലേക്കും മറ്റും പോകരുതെന്നും ആവശ്യമായ മുൻകരുതലുകൾ സ്വീകരിക്കണെന്നും സിവിൽ ഡിഫൻസ് അറിയിച്ചു.
അതിനിടെ വരും ദിവസങ്ങളിലും മഴ തുടരുമെന്ന് പ്രതീക്ഷിക്കുന്നതായി കാലാവസ്ഥാ നിരീക്ഷണ, പരിസ്ഥിതി സംരക്ഷണ വകുപ്പ് പറഞ്ഞു. മക്ക പ്രവിശ്യയിൽ മക്ക, തായിഫ്, മൈസാൻ, അൽകാമിൽ, റനിയ, തുറുബ, ഖുലൈസ്, അദം, മോയ, ജിദ്ദ, റാബിഗ്, ലൈത്ത്, ഖുൻഫുദ എന്നിവിടങ്ങളിലും മദീന പ്രവിശ്യയിൽ അൽആൽ, അൽഅയ്‌സ്, ഖൈബർ, യത്മ, അൽഅക്ഹുൽ, മഹദുദ്ദഹബ്, ഹനാകിയ, വാദി അൽഫറഅ്, ബദ്ർ, യാമ്പുവിലെ തീരമേഖലകൾ, അൽറൈസ് എന്നിവിടങ്ങളിലും ഇന്നു മുതൽ ശനിയാഴ്ച വരെ പൊടിക്കാറ്റിന്റെയും ആലിപ്പഴ വർഷത്തിന്റെയും അകമ്പടിയോടെ ശക്തമായ മഴക്ക് സാധ്യതയുണ്ട്. തബൂക്ക്, തൈമാ, അൽവജ്, ഉംലജ്, അൽബാഹ, ബൽജുർഷി, മന്ദഖ്, മഖ്‌വാ, ഖിൽവ എന്നിവിടങ്ങളിലും കനത്ത മഴക്കു സാധ്യതയുണ്ട്.
അൽഖസീം പ്രവിശ്യയിൽ ഉനൈസ, ബുറൈദ, അൽറിസ്, ബുകൈരിയ, മിദ്‌നബ്, റിയാദ് പ്രവിശ്യയിൽ അഫീഫ്, ദവാദ്മി, ഖുവൈഇയ, മജ്മ, സുൽഫി, ശഖ്‌റാ, ഹായിൽ, ബഖ്ആ, അൽഹായിത്, അൽഗസാല, അസീർ പ്രവിശ്യയിൽ ഖമീസ് മുശൈത്ത്, മഹായിൽ, ബീശ, അൽനമാസ്, ജിസാനിലെ ഫൈഫ, ആരിദ, ഖോബ, ഹുറൂബ്, സ്വബ്‌യ, സ്വാംത, ബൈശ്, അൽത്വിവാൽ എന്നിവിടങ്ങളിൽ ഇന്നു മുതൽ ഞായർ വരെയുള്ള ദിവസങ്ങളിൽ ശക്തമായ മഴക്കു സാധ്യതയുണ്ട്. അൽജൗഫ് പ്രവിശ്യയിലെ സകാക്ക, ദോമത്തുൽജന്ദൽ എന്നിവിടങ്ങളിൽ വെള്ളി, ശനി ദിവസങ്ങളിലും ഉത്തര അതിർത്തി പ്രവിശ്യയിൽ അറാർ, റഫ്ഹ എന്നിവിടങ്ങളിലും കിഴക്കൻ പ്രവിശ്യയിൽ ഹഫർ അൽബാത്തിൻ, ഖൈസൂമ, ഖഫ്ജി, നഈരിയ എന്നിവിടങ്ങളിലും പരിസരപ്രദേശങ്ങളിലും വെള്ളി മുതൽ ഞായർ വരെയുള്ള ദിവസങ്ങളിലും ശക്തമായ മഴക്കു സാധ്യതയുണ്ട്.
