കൊച്ചി-സിനിമാ ഷൂട്ടിങ്ങിനിടെ പതിനേഴുകാരിയെ പീഡിപ്പിക്കാന് ശ്രമിച്ചെന്ന വനിതാ സിനിമാ പ്രവര്ത്തകരുടെ കൂട്ടായ്മയായ ഡബ്ല്യൂ.സി.സി അംഗം രേവതിയുടെ വെളിപ്പെടുത്തലില് കേസെടുക്കണമെന്ന് ആവശ്യപ്പെട്ട് പോലീസില് പരാതി. പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച പ്രതിയെ കണ്ടെത്തി കേസെടുക്കണമെന്ന് ആവശ്യപ്പെട്ട് അഭിഭാഷകനായ ജിയാസ് ജമാലാണ് എറണാകുളം സെന്ട്രല് പോലീസ് സ്റ്റേഷനില് പരാതി നല്കിയത്. വര്ഷങ്ങള്ക്ക് മുന്പുള്ള പീഡനവിവരം മറച്ചുവച്ചെ കുറ്റത്തിനു നടി രേവതിക്കെതിരെ കേസെടുക്കണമെന്നും പരാതിയിലുണ്ട്.
ഡബ്ല്യൂ.സി.സി അംഗങ്ങള് കഴിഞ്ഞ ദിവസം കൊച്ചിയില് നടത്തിയ വാര്ത്താസമ്മേളനത്തില് സിനിമാ മേഖലയിലെ ചൂഷണങ്ങള് ചൂണ്ടിക്കാണിക്കുന്നതിനിടെയാണ് 17 കാരിയുടെ പീഡനവിവരം രേവതി വെളിപ്പെടുത്തിയത്.
