തിരുവനന്തപുരം- അറബിക്കടലിൽ രൂപപ്പെട്ട ന്യൂനമർദ്ദം തീവ്ര ചുഴലിക്കാറ്റായി മാറാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. മത്സ്യതൊഴിലാളികൾ 12 വരെ അറബിക്കടലിൽ മത്സ്യബന്ധനത്തിനു പോകരുതെന്നും മുന്നറിയിപ്പ് നൽകിയിട്ടുണ്ട്.
അറബിക്കടലിന്റെ മധ്യ പടിഞ്ഞാറ്, തെക്കുപടിഞ്ഞാറു ഭാഗങ്ങളിലായാണു ചുഴലിക്കാറ്റ് രൂപപ്പെട്ടത്. മണിക്കൂറിൽ 18 കിലോമീറ്റർ വേഗത്തിലാണു കാറ്റു നീങ്ങുന്നത്. 24 മണിക്കൂറിൽ ഇതു തീവ്ര ചുഴലിക്കാറ്റായി മാറാൻ സാധ്യതയുണ്ട്. അഞ്ച് ദിവസംകൊണ്ടു തെക്കൻ ഒമാൻ, യെമൻ തീരങ്ങളിലേക്കു ചുഴലിക്കാറ്റു നീങ്ങാനാണു സാധ്യതയെന്നും മുന്നറിയിപ്പിൽ പറയുന്നു.
