ന്യൂദൽഹി- രാജ്യത്തെ 763 എംപിമാരിൽ 306 എംപിമാർക്കെതിരെയും ക്രിമിനൽ കേസുകളുണ്ടെന്നും 194 സിറ്റിങ് എംപിമാർക്കെതിരെ ഗുരുതരമായ ക്രിമിനൽ കേസുകളാണുള്ളതെന്നും റിപ്പോർട്ട്.
ലോക്‌സഭയിലേയും രാജ്യസഭയിലേയും 776 സീറ്റുകളിൽ 763 സിറ്റിംഗ് എംപിമാർ നൽകിയ സത്യവാങ്മൂലം വിശകലനം ചെയ്തതായും എംപിമാർ സമർപ്പിച്ച സത്യവാങ്മൂലത്തിൽ നിന്ന് ഡാറ്റ വേർതിരിച്ചെടുത്തതായും അസോസിയേഷൻ ഫോർ ഡെമോക്രാറ്റിക് റിഫോംസ് (എഡിആർ) റിപ്പോർട്ടിൽ പറയുന്നു. കഴിഞ്ഞ തിരഞ്ഞെടുപ്പുകളിലും തുടർന്നുള്ള ഉപതെരഞ്ഞെടുപ്പുകളിലും മത്സരിക്കുന്നതിന് മുമ്പ് നൽകിയ സത്യവാങ്മൂലമാണ് വിശകലനം ചെയ്തത്.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
763 സിറ്റിങ് എംപിമാരിൽ 306 (40 ശതമാനം) സിറ്റിങ് എംപിമാർ തങ്ങൾക്കെതിരെ ക്രിമിനൽ കേസുകൾ വെളിപ്പെടുത്തിയിട്ടുണ്ട്. 194 (25 ശതമാനം) സിറ്റിങ് എംപിമാർ കൊലപാതകം, കൊലപാതകശ്രമം, തട്ടിക്കൊണ്ടുപോകൽ, സ്ത്രീകൾക്കെതിരായ കുറ്റകൃത്യങ്ങൾ തുടങ്ങിയ ഗുരുതരമായ ക്രിമിനൽ കേസുകൾ വെളിപ്പെടുത്തിയതായും റിപ്പോർട്ടിൽ പറയുന്നു.
ലക്ഷദ്വീപിൽ നിന്നുള്ള ഒരു എംപി (100 ശതമാനം); കേരളത്തിൽ നിന്നുള്ള 29 എംപിമാരിൽ 23 (79 ശതമാനം); ബീഹാറിൽ നിന്നുള്ള 56 എംപിമാരിൽ 41 പേർ (73 ശതമാനം); മഹാരാഷ്ട്രയിൽ നിന്നുള്ള 65 എംപിമാരിൽ 37 (57 ശതമാനം); തെലങ്കാനയിൽ നിന്നുള്ള 24 എംപിമാരിൽ 13 പേരും (54 ശതമാനം) ദൽഹിയിൽ നിന്നുള്ള 10 എംപിമാരിൽ 5 പേരും (50 ശതമാനം) സ്വയം സത്യവാങ്മൂലത്തിൽ ക്രിമിനൽ കേസുകൾ വെളിപ്പെടുത്തിയിട്ടുണ്ട്.
ബീഹാറിൽ നിന്നുള്ള 56 എംപിമാരിൽ 28 (50 ശതമാനം); തെലങ്കാനയിൽ നിന്നുള്ള 24 എംപിമാരിൽ 9 (38 ശതമാനം); കേരളത്തിൽ നിന്നുള്ള 29 എംപിമാരിൽ 10 (34 ശതമാനം); മഹാരാഷ്ട്രയിൽ നിന്നുള്ള 65 എംപിമാരിൽ 22 പേരും (34 ശതമാനം) ഉത്തർപ്രദേശിൽ നിന്നുള്ള 108 എംപിമാരിൽ 37 പേരും (34 ശതമാനം) തങ്ങൾക്കെതിരെ ഗുരുതരമായ ക്രിമിനൽ കേസുകൾ സ്വയം സത്യവാങ്മൂലത്തിൽ പ്രഖ്യാപിച്ചിട്ടുണ്ട്. ക്രിമിനൽ കേസുള്ള ഏറ്റവും കൂടുതൽ എംപിമാരുള്ളത് ബിജെപിയിലാണെന്നും റിപ്പോർട്ട് എടുത്തുകാട്ടി.
385 എംപിമാരിൽ 139 (36 ശതമാനം) ബിജെപിയിൽ നിന്നാണ്. കോൺഗ്രസിൽ നിന്നുള്ള 81 എംപിമാരിൽ 43 (53 ശതമാനം); തൃണമൂൽ കോൺഗ്രസിൽ നിന്നുള്ള 36 എംപിമാരിൽ 14 (39 ശതമാനം); ആർജെഡിയിൽ നിന്നുള്ള 6 എംപിമാരിൽ 5 പേർ (83 ശതമാനം); സിപിഎമ്മിൽ നിന്നുള്ള 8 എംപിമാരിൽ 6 (75 ശതമാനം); എഎപിയിൽ നിന്നുള്ള 11 എംപിമാരിൽ 3 (27 ശതമാനം); വൈഎസ്ആർസിപിയിലെ 31 എംപിമാരിൽ 13 പേരും (42 ശതമാനം) എൻസിപിയിലെ 8 എംപിമാരിൽ 3 പേരും (38 ശതമാനം) തങ്ങളുടെ സത്യവാങ്മൂലത്തിൽ തങ്ങൾക്കെതിരെ ക്രിമിനൽ കേസുകൾ പ്രഖ്യാപിച്ചിട്ടുണ്ട്.
ബിജെപിയിൽ നിന്നുള്ള 385 എംപിമാരിൽ 98 (25 ശതമാനം) പേരും കോൺഗ്രസിൽ നിന്നുള്ള 81 എംപിമാരിൽ 26 (32 ശതമാനം); തൃണമൂൽ കോൺഗ്രസിൽ നിന്നുള്ള 36 എംപിമാരിൽ 7 (19 ശതമാനം); ആർജെഡിയിൽ നിന്നുള്ള 6 എംപിമാരിൽ 3 (50 ശതമാനം), സിപിഎമ്മിൽ നിന്നുള്ള 8 എംപിമാരിൽ 2 (25 ശതമാനം); എഎപിയുടെ 11 എംപിമാരിൽ 1 (9 ശതമാനം), വൈഎസ്ആർസിപിയുടെ 31 എംപിമാരിൽ 11 (35 ശതമാനം), എൻസിപിയിലെ 8 എംപിമാരിൽ 2 (25 ശതമാനം) എന്നിവർ തങ്ങളുടെ സത്യവാങ്മൂലത്തിൽ തങ്ങൾക്കെതിരെ ഗുരുതരമായ ക്രിമിനൽ കേസുകൾ വെളിപ്പെടുത്തി.
11 സിറ്റിങ് എംപിമാർ കൊലപാതകവുമായി ബന്ധപ്പെട്ട കേസുകളും (ഇന്ത്യൻ പീനൽ കോഡ് സെക്ഷൻ-302), 32 സിറ്റിംഗ് എംപിമാർ വധശ്രമക്കേസുകളും (ഐപിസി സെക്ഷൻ-307), 21 സിറ്റിംഗ് എംപിമാർ സ്ത്രീകൾക്കെതിരായ കുറ്റകൃത്യങ്ങളുമായി ബന്ധപ്പെട്ട കേസുകളും പ്രഖ്യാപിച്ചു. കൂടാതെ 21 എംപിമാരിൽ 4 എംപിമാർ ബലാത്സംഗവുമായി ബന്ധപ്പെട്ട കേസുകൾ അറിയിച്ചിട്ടുണ്ട് (ഐപിസി സെക്ഷൻ-376).
