ന്യദൽഹി-ഇന്ത്യൻ പാസ്‌പോർട്ടുള്ളവർക്ക് ഒമാൻ, ഖത്തർ ഉൾപ്പെടെ 57 രാജ്യങ്ങളിലേക്ക് വിസയില്ലാതെ യാത്ര ചെയ്യാം. ഇന്ത്യക്കാർക്ക് വിസയില്ലാതെ പ്രവേശനം അനുവദിക്കുന്ന രാജ്യങ്ങളും വിസ-ഓൺ-അറൈവൽ വാഗ്ദാനം ചെയ്യുന്ന രാജ്യങ്ങളും ഇക്കൂട്ടത്തിലുണ്ട്. അടുത്തിടെ പുറത്തിറക്കിയ ഹെൻലി പാസ്പോർട്ട് സൂചിക 2023 അനുസരിച്ച്, ഇന്ത്യൻ പാസ്പോർട്ട് ഇപ്പോൾ 80-ാം സ്ഥാനത്താണ്. 57 രാജ്യങ്ങളിലേക്ക് തടസ്സരഹിതമായ പ്രവേശനം നൽകുന്നു.
ലോകത്തിലെ ഏറ്റവും ഉയർന്ന റാങ്കുള്ള പാസ്പോർട്ട് അല്ലെങ്കിൽ ലോകത്തിലെ ഏറ്റവും ശക്തമായ പാസ്പോർട്ട് സിംഗപ്പൂരിന്റെതാണെന്ന് സൂചിക വെളിപ്പെടുത്തുന്നു, കാരണം സിംഗപ്പൂർ പാസ്പോർട്ട് ഉടമകൾക്ക് ഏറ്റവും കൂടുതൽ രാജ്യങ്ങളിൽ പ്രവേശനം ലഭിക്കുന്നു. സിംഗപ്പൂർ പാസ്പോർട്ട് ഉടമകൾക്ക് വിസ-ഫ്രീ അല്ലെങ്കിൽ വിസ-ഓൺ-അറൈവൽ ഓപ്ഷനുകൾ ഉപയോഗിച്ച് 192 രാജ്യങ്ങളിലേക്ക് യാത്ര ചെയ്യാം.
