ക്രിസ്റ്റിയാനൊ റൊണാള്‍ഡൊ ക്ലബ് വിട്ടതോടെ റയല്‍ മഡ്രീഡിനെ ആരാധകര്‍ കൈവിടുകയാണോ? സ്പാനിഷ് ലീഗിലെ ഉദ്ഘാടന മത്സരത്തില്‍ പത്തു വര്‍ഷത്തിനിടയിലെ ഏറ്റവും കുറച്ച് കാണികളാണ് എത്തിയത്. അവരുടെ കളിക്കളമായ സാന്റിയാഗൊ ബെര്‍ണബാവു പകുതിയോളം കാലിയായിരുന്നു. സീസണിലെ ആദ്യ മത്സരത്തില്‍ ഗെറ്റാഫെയെ 2-0 ന് തോല്‍പിക്കുന്നതു കാണാന്‍ വന്നത് വെറും 48,000 പേര്‍ മാത്രം. ഡാനി കര്‍വഹാലും ഗാരെത് ബെയ്‌ലുമാണ് സ്‌കോര്‍ ചെയ്തത്.
2008-09 സീസണിലെ അവസാന ലീഗ് മത്സരത്തിലാണ് ഇതിനു മുമ്പ് കാണികള്‍ ഇത്ര കുറഞ്ഞത്. അതിനു ശേഷമാണ് ലോക റെക്കോര്‍ഡ് ഭേദിച്ച് ക്രിസ്റ്റിയാനോയെ കൊണ്ടുവരാന്‍ റയല്‍ തീരുമാനമെടുത്തത്.
