ലണ്ടന്‍- വൈറസിന്റെ പുതിയതും കൂടുതല്‍ മാരകവുമായ വകഭേദങ്ങള്‍ക്കുള്ള സാധ്യത നിലനില്‍ക്കെത്തന്നെ, കോവിഡ് ബാധിതരുടെ ഐസൊലേഷന്‍ അടക്കം എല്ലാ നിയന്ത്രണങ്ങളും എടുത്തുകളയുന്നതായി ബ്രിട്ടീഷ് പ്രധാനമന്ത്രി ബോറിസ് ജോണ്‍സണ്‍.
ഇന്‍ഫ്‌ളുവന്‍സ പോലുള്ള പകരുന്ന മറ്റ് രോഗങ്ങളെപ്പോലെ കോവിഡ് -19 നെ ചികിത്സിക്കുന്നതിനുള്ള പദ്ധതിയുടെ ഭാഗമായി രാജ്യം 'സര്‍ക്കാര്‍ നിയന്ത്രണങ്ങളില്‍നിന്ന് വ്യക്തിഗത ഉത്തരവാദിത്തത്തിലേക്ക് നീങ്ങുകയാണെന്ന്' ജോണ്‍സണ്‍ ഹൗസ് ഓഫ് കോമണ്‍സില്‍ പറഞ്ഞു.
കോവിഡ് -19 ഉള്ള ആളുകള്‍ക്ക് നിര്‍ബന്ധിത സ്വയം ഒറ്റപ്പെടല്‍ വ്യാഴാഴ്ച മുതല്‍ അവസാനിക്കുമെന്നും രോഗബാധിതരായ ആളുകളുടെ കോണ്‍ടാക്റ്റുകള്‍ തേടിപ്പോകുന്നത് നിര്‍ത്തുമെന്നും ജോണ്‍സണ്‍ സ്ഥിരീകരിച്ചു.
ജനങ്ങള്‍ ഏതാണ്ട് പൂര്‍ണ പ്രതിരോധ ശേഷി കൈവരിച്ചിട്ടുള്ളതായി അദ്ദേഹം പറഞ്ഞു. വാക്‌സിനുകളും സാധാരണ നിലക്കുള്ള ചികിത്സകളുംകൊണ്ട് രോഗത്തെ തടഞ്ഞുനിര്‍ത്താവുന്നതേയുള്ളു.
ആളുകള്‍ക്ക് അസുഖമുണ്ടെങ്കില്‍ വീട്ടില്‍ തന്നെ തുടരാന്‍ നിര്‍ദ്ദേശിക്കും. എന്നാല്‍ ജോലി നഷ്ടപ്പെടുന്നവര്‍ക്ക് മഹാമാരി സമയത്ത് അധിക സാമ്പത്തിക സഹായം നല്‍കില്ല.
തങ്ങള്‍ക്ക് കോവിഡ് -19 ഉണ്ടെന്ന് കരുതുന്ന പലര്‍ക്കും ഒരിക്കലും അത് ഉറപ്പായേക്കില്ല. ഏപ്രില്‍ 1 മുതല്‍, ലാബ് സ്ഥിരീകരിച്ച പി.സി.ആര്‍ ടെസ്റ്റുകള്‍ പ്രായമായവര്‍ക്കും പ്രതിരോധശേഷി കുറഞ്ഞവര്‍ക്കും മാത്രം സൗജന്യമായി ലഭ്യമാകും. പല രാജ്യങ്ങളിലും നിലവിലുള്ളതുപോലെ, സ്വകാര്യമായി പണം നല്‍കി ലഭ്യമാകുമെങ്കിലും, പൊതു സൗജന്യ റാപ്പിഡ് വൈറസ് പരിശോധനകള്‍ വാഗ്ദാനം ചെയ്യുന്നതും സര്‍ക്കാര്‍ നിര്‍ത്തും.
മഹാമാരി അവസാനിച്ചിട്ടില്ലെന്നും വൈറസ് ഇപ്പോഴും മോശമായ സാഹചര്യങ്ങള്‍ സൃഷ്ടിച്ചേക്കാമെന്നും സര്‍ക്കാര്‍ ഊന്നിപ്പറഞ്ഞു.
