റിയാദ്- സൗദി അറേബ്യ ലക്ഷ്യമിട്ട് ഹൂത്തികള് സ്ഫോടക വസ്തുക്കള് നിറച്ച് അയച്ച ഡ്രോണ് അറബ് സഖ്യ സേന തകര്ത്തു.
രണ്ട് ഡ്രോണുകള് തെക്കന് മേഖലയും ഒരെണ്ണം ഖമീസ് മുശൈത്തും ലക്ഷ്യമിട്ടാണ് അയച്ചതെന്ന് സഖ്യസേനാ വക്താവിനെ ഉദ്ധരിച്ചുള്ള റിപ്പോര്ട്ടുകളില് പറയുന്നു.
ഇറാന് പിന്തുണയുള്ള ഹൂത്തികളുടെ രണ്ട് റിമോട്ട് കണ്ട്രോള് ബോട്ടുകള് യെമനിലെ ഹുദൈദയില് തകര്ത്തതായും സഖ്യസേന അറിയിച്ചു. ഹുദൈദയില് ആക്രമണത്തിന് സജ്ജമാക്കിയ ബോട്ടുകളാണ് തകര്ത്തത്.
ജനവാസ കേന്ദ്രങ്ങള് ലക്ഷ്യമിട്ട് ഹൂത്തി ഭീകരര് തുടര്ച്ചയായി ആക്രമണങ്ങള് നടത്തുകയാണ്. സിവിലയന് കേന്ദ്രങ്ങളുടെ സുരക്ഷക്ക് എല്ലാ നടപടികളും സ്വീകരിക്കുന്നുണ്ടെന്ന് സഖ്യസേന അറിയിച്ചു.
