സ്റ്റോക്ക്ഹോം- ഈ വര്ഷത്തെ വൈദ്യശാസ്ത്ര നൊബേല് പുരസ്കാരം പ്രഖ്യാപിച്ചു. ഹോമോസാപിയന്സിന്റെ ജനിതക പ്രത്യേകത കണ്ടെത്തിയ സ്വാന്റെ പേബുവിനാണ് പുരസ്കാരം.
സ്വീഡിഷ് ജനിതക ശാസ്ത്രജ്ഞനാണ് സ്വാന്റെ പേബുവിന്. ജനിതക ഗവേഷണളെ മുന്നിര്ത്തിയായിരുന്നു പുരസ്കാരം നല്കിയത്. സ്റ്റോക്ക്ഹോമിലെ കരോലിന്സ്ക ഇന്സ്റ്റിറ്റ്യൂട്ടില് നൊബേല് കമ്മിറ്റി സെക്രട്ടറി തോമസ് പെര്ല്മാനാണ് ജേതാവിനെ പ്രഖ്യാപിച്ചത്.
ഹൊമിനിന്സില് നിന്ന് ഇപ്പോഴത്തെ മനുഷ്യ വിഭാഗമായ ഹോമോസാപിയന്സ് എങ്ങനെയാണ് വ്യത്യസ്തരാകുന്നതെന്നു കണ്ടെത്തിയ ഗവേഷണമാണ് പുരസ്കാരത്തിന് അര്ഹമായത്. നൊബേല് പുരസ്ക്കാര സമിതിയാണ് ഇക്കാര്യം അറിയിച്ചത്. ആദ്യ മനുഷ്യന്റെ ജനിതക ഘടനെയും പരിണാമവുമായിരുന്നു സ്വാന്റെ പഠിച്ചത്. മാക്സ് പ്ലാങ്ക് ഇന്സ്റ്റിറ്റ്യൂട്ട് ഫോര് എവല്യൂഷണറി ആന്ത്രോപോളജിയുടെ ഡയറക്ടറാണ് സ്വാന്റേ പേബൂവിന്. ഡിസംബര് 10ന് പുരസ്കാരം സമ്മാനിക്കും. പത്ത് മില്യണ് സ്വീഡിഷ് ക്രൗണാണ് സമ്മാനത്തുക.
വൈദ്യശാസ്ത്രം, ഭൗതികശാസ്ത്രം, രസതന്ത്രം, സാഹിത്യം, സമാധാനം എന്നീ മേഖലകളില് മികച്ച സംഭാവനകള് നല്കിയവര്ക്കുള്ള നൊബേല് പുരസ്കാരങ്ങള് വരും ദിവസങ്ങളില് പ്രഖ്യാപിക്കും. അമേരിക്കന് ശാസ്ത്രജ്ഞരായ ഡേവിഡ് ജൂലിയസ്, ആര്ഡെം പറ്റാപുട്യന് എന്നിവര്ക്കായിരുന്നു കഴിഞ്ഞ വര്ഷത്തെ വൈദ്യശാസ്ത്ര നൊബേല് പുരസ്കാരം ലഭിച്ചത്. താപനില, സ്പര്സശനം എന്നിവ മനസിലാക്കാന് തലച്ചോറിനെ സഹായിക്കുന്ന ഗ്രാഹികളെ കണ്ടെത്തിയതാണ് ഇവരെ നൊബേല് പുരസ്കാരത്തിന് അര്ഹമാക്കിയത്.